The Definitive Guide to Living in the Capital , Cairo , Egypt

 

مصر فيها مبدعين حقيقيين في مجال الأفلام القصيرة، لكن للأسف الناس مركزة أكتر مع الأفلام السينمائية الروائية الطويلة، ممكن يكون السبب هو غياب النجوم الكبار عن المشاركة في الأفلام القصيرة.. لكن هل آن الأوان الفكرة دي تتغير والمجتمع يهتم بالنوع ده من الأفلام؟ نتمنى إن فيلم “توك توك” اللي أعلنت، من ساعات، الإدارة المنظمة لمهرجان القاهرة للفيلم القصير، اختياره للمشاركة في المسابقة الرسمية لاختيار أفضل فيلم قصير بدورته الثالثة، واللي هتنطلق بمركز الإبداع الفني بدار الأوبرا في الفترة من 21 ديسمبر إلى 25 ديسمبر الجاري.

في السطور الجاية هنعرفكم أكتر على فيلم “توك توك” القصير ده اللي شارك في أهم المهرجانات الدولية.

1 – فيلم”توك توك”من الأفلام السينمائية المهمة اللي شاركت في كتير من المهرجانات السينمائية العالمية، من أبرزها عرضه عالميًا في المهرجان الأشهر والأهم “كليرمون فيران” بفرنسا في دورته ال 43، ومهرجان”بان أفريكا” في لوس أنجلوس بالولايات المتحدة الأمريكية، وهو من المهرجانات المؤهلة للتنافس على جوائر الأوسكار، وفاز من خلاله على جائزة أفضل فيلم روائي قصير.

2 – أحداث فيلم”توك توك”مستوحاة من قصة حقيقية، عن شخصية اسمها “ولاء” بتحاول توفير دخل لعائلتها بعد ما سابها زوجها وسافر خارج البلاد بطريقة غير شرعية.

3 – بتجبر الظروف “ولاء” على العمل كسائقة “توك توك”، لكنها بتقع في كتير من المشاكل، وبتواجه سلبيات المجتمع من عنف وتحرش وسيطرة الذكور على سوق التكاتك في مصر.

4 – الفيلم بطولة إلهام وجدي، وأشرف مهدي، ومحمد خميس، وندى أكرم، وعمر راشد، وماري جرجس، ومنتج فني يحيى الغريب، وموسيقى تصويرية سيف الدين هلال.

5 – فيلم “توك توك” من إخراج وتصوير محمد خضر، وشارك في التأليف شريف عبد الهادي، وإنتاج رامي يعقوب وشيرين علاء ومحمد خضر.

وأخيرًا..

تقدروا تشوفوا إعلان الفيلم من هنا.