The Definitive Guide to Living in the Capital , Cairo , Egypt

أفلام
جحيم في الهند

جحيم فى الهند: محاولة استثمار نجاح كابتن مصر

  • أحمد فتحيبيومي فؤاد...
  • كوميدي
  • معتز التونيمعتز التوني...
  • في1 Cinema
تم التقييم بواسطة
Mohamed Hamdy
قيم
قيم الآن
جحيم فى الهند: محاولة استثمار نجاح كابتن مصر

السنة اللي فاتت وفي موسم العيد قدم محمد إمام مع المخرج معتز التوني فيلم كابتن مصر، وهو يعتبر تمصير لقصة فيلم The Longest Yard واللي بتحكي عن كابتن فريق بيتم وضعه في السجن بعد حادث، فقط علشان يكون فريق كرة قدم في السجن ينافس به ويحقق نجاح كبير.

محمد عادل إمام بيمشي على مسار والده في كل شيء، ومن أهم الأمور دي أن عادل إمام بيميل لتكوين فريق تمثيلي بيصحبه معاه في كل أعماله، وزي ما تعاون إمام مع كتاب ومخرجين وممثلين بحجم شريف عرفة أو يوسف معاطي أو يسرا أو مصطفى متولي، كون محمد إمام فريقه الخاص من المخرج معتز التوني ومن مجموعة من الأبطال بيأتي على رأسهم بيومي فؤاد وطاهر أبو ليلة اللي بنعتقد أن كل موهبته في التمثيل تتمثل في قدرته على الكلام بشكل غير مرتب!

الفيلم بيحكي عن اختطاف السفير المصري في الهند، وانتداب فرقة قوات خاصة لاستعادة السفير، لكن غلطة بتحصل وبيتم إرسال فرقة عزف موسيقية إلى الهند، الأمر اللي بيدخل الفيلم في سلسلة من المواقف الكوميدية غير المنتهية بداية من دخول الفريق أرض الهند وحتى خروجه.

الحقيقة أن عندنا أكتر من مشكلة مع إخراج معتز التوني، بنحس طوال الوقت أن معتز بيستسهل في إخراجه ومش بيهتم باستغلال كل التفاصيل ونقاط القوة في الممثلين اللي بيشتغلوا معاه علشان يطلع منهم فيلم كويس، علشان كده معتز هيفضل اسمه محدود في أفلام المواسم زي الأعياد وإجازات نصف السنة وخلاص على كده، مع أن معتز لو قدر يجتهد أكتر من كده في شغله ممكن يقدم أفلام أقوي.

على مستوي التمثيل محمد إمام بيقدم أداء تمثيلي شبه باقي أعماله كلها، واللي كلها شبه تمثيل عادل إمام شخصيًا! بداية من إعجابه بكل البنات وإعجاب كل البنات به ونهاية بتعبيرات وشه وعينه وجسمه واللي كلها بيقرب منها من عادل إمام، وليه لاء ووالده محقق نجاح ساحق حتي اليوم في معظم أعماله.

بيومي فؤاد هو كمان بدأ يدخل في حيز تكرار أعماله الكوميدية وتيماتها ، ولو استمر الفنان الكبير في حرق نفسه بالشكل ده مش هيكمل سنة أو اثنين قبل ما يكون حرق كل أعماله وتيماتها وماعندوش جديد يقدمه. في رمضان قدر فؤاد يدلل على قدرته على تكرار أدوار كتير بدون ما يحسسنا بالملل.. الرهان على أنه يقدر يكرر نفس الشيء فيما يتعلق بأفلام العيد.

الموسيقى التصويرية كانت جميلة وحماسية والإستعراضات على الرغم من ضعفها إلا أنها تعتبر خطوة كويسة في طريق عمل أفلام استعراضية قوية ومؤثرة أو أفلام معتمدة بالأساس على الاستعراض كطريقة  لجذب المشاهدين اللي عاوزين ودنهم تسمع الحان كويسة وعيونهم تشوف أداء تمثيلي أقوى.

جحيم في الهند مش أفضل فيلم ممكن تشوفه في تاريخ أبطاله، لكن لو عاوزين تضحكوا شوية وتنسوا مشاكلكم وهمومكم ننصحكم بمشاهدة جحيم في الهند بدون أي توقعات أزيد من اللي قولنا عليه.

عجبك ؟ جرب

كابتن مصر

نصيحة 360

الفيلم حقق حوالي 4 مليون جنيه إيرادات في أول يوم عرض في عيد الفطر المبارك.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح