The Definitive Guide to Living in the Capital , Cairo , Egypt

الفكرة والقصة الجيدة مش كافيين لوحدهم، علشان يقدموا للمشاهد فيلم جيد. لأن السينما صناعة وقوام الصناعة دي القدرة على الالتزام. بداية من اختيار اسم الفيلم، والثبات عليه. لحد تنظيم دعاية قوية. وكلها أمور فشل صناع (خط الموت) فيها.

الفيلم بيحكي عن مجموعة من المؤامرات الدولية، علي مصر ودول المنطقة العربية. وكيفية التصدي لها. وبيحاول يبرز دور المؤامرات في خلق مشاكل سياسية واجتماعية في المنطقة.

رغم إنه فيلم تشويق وأكشن، لكن واضح أن المخرج محمد عادل مكانش عاوز يبهدل الأبطال معاه. فكان إخراج المشاهد دي ضعيف وواضح فيها مشاكل كتيرة.

علا غانم وأحمد صلاح حسني ومحمد سليمان، ماكانوش في أقوى حالاتهم السينمائية. على الرغم من قوة أدائهم التمثيلي في أعمال تانية. وكان باين في الفيلم حالة من الاستسهال والإهمال. حتى إن اسم الفيلم تغير أكتر من مرة، أثناء الإعداد له. وظهرت أفيشات مع أسماء مختلفة للفيلم. الأمر اللي زود علامات الاستفهام على اللي بيحصل.

حتى في العرض الخاص، تغيب معظم الأبطال عن الحضور. وكأن الفيلم كان مجرد سبوبة، أو إثبات تواجد في دور العرض.

الإخراج وزوايا التصوير وباقي عناصر الفيلم، هي كمان انعكس عليها حالة الضعف العامة. وللأسف كان واضح الإهمال على الصعيد الإنتاجي بدرجة كبيرة.

خط الموت هو “فشل” بكل المقاييس.