The Definitive Guide to Living in the Capital , Cairo , Egypt

أفلام

خمس أفلام هتخليك تسافر الفضاء وأنت في مكانك

أفلام أفلام الفضاء خيال علمي سينما عالم الفضاء
خمس أفلام هتخليك تسافر الفضاء وأنت في مكانك
بواسطة
Mohamed Hamdy

خبراء علوم الفضاء وأبحاث السفر خارج الغلاف الجوي، بيقولوا لنا أن سنوات طويلة تفصلنا عن أول رحلة سياحية الى الكواكب الأخرى. لكن خبراء كايرو360 بيقولوا لكم أن بينكم وبين السفر للفضاء مجرد دقائق معدودة لو فكرتوا تتفرجوا على الأفلام اللي هنرشحها لكم في السطور الجاية!

First Man

واحد من أحدث الأفلام اللي تم طرحها عن الفضاء في السينمات المصرية. والفيلم بيحكي عن رحلة رائد الفضاء الشهير نيل أرمسترونج الى القمر. الرحلة اللي أتوصفت بأنها خطوة صغيرة لإنسان. لكنها خطوة كبيرة للإنسانية. والمميز في الفيلم أنه بيهتم بالتفاصيل الإنسانية والشخصية في حياة أرمسترونج. مش بس بالرحلة للقمر.

 

 

Interstellar

لو بتحبوا النظريات الفضائية والأفلام اللي تحسوا أنها حصة في الفيزياء والفلسفة قبل ما تكون أفلام خيال علمي. يبقى الفيلم ده هو الأختيار المناسب لكم. خاصة أن مخرج الفيلم هو كريستوفر نولان. والمشهور عنه تقديم الأفلام اللي بتجمع بين الفلسفة والواقعية السحرية زي فيلم Inception

 

2001: A Space Odyssey

أما عشاق الأفلام القديمة. الفيلم ده يعتبر واحد من أشهر كلاسيكيات الخيال العلمي والسفر للفضاء في هوليود. وعلى الرغم من إنتاجه سنة 1968 إلا أنه صالح للمشاهدة حتى اليوم. ولسه لحد النهرده بنشوف مناقشات جادة لأحداث الفيلم ومحاولة لتفسير المشهد الأخير الغامض في الفيلم.

 

 

Gravity

أما عشاق الرومانسية لما تختلط بالخيال العلمي. جاذبية أو Gravity بيقدم قصة غريبة عن رائدة فضاء (ساندرا بولوك) بتتوه عن مركبتها في الفضاء. وبيحاول زميلها (جورج كلوني) إنقاذها بكل الوسائل والطرق. الفيلم ممتع جدا خاصة لمحبي تطبيق نظريات الفيزياء وانتقال الصوت على أفلام السفر للفضاء.

 

Armageddon

أما محبي أفلام الكاوبوي، والبطل الأمريكي اللي بينقذ العالم من الدمار وهو بيدخن السيجار. يعتبر الفيلم ده ضالتهم المنشودة. لأنه بيحكي عن مجموعة من عمال الحفر عديمي المشاعر، لما بينطلب منهم السفر للفضاء للمرة الأولى في حياتهم علشان يفجروا نيزك لو أصطدم بالأرض هايدمر البشرية بالكامل!

مقترح