The Definitive Guide to Living in the Capital , Cairo , Egypt

بعد جرعة التراجيديا العالية اللي شوفناها في عدد كبير من مسلسلات رمضان السنة دي، جه وقت السينما والفشار، وبعد قرارت الغلق المبكر للسينمات اللي أصدرها رئيس الوزارء مصطفى مدبولي، أفلام كتير خرجت من موسم أفلام العيد ولسه ماتحددش مصيرها.

ودي الأفلام اللي هتتعرض بشكل رسمي خلال أيام العيد في دور العرض:

أحمد نوتردام

بطولة رامز جلال، غادة عادل، خالد الصاوي، بيومي فؤاد، تأليف لؤي السيد وإخراج محمود كريم. وأحداثه بتدور في إطار من المواقف الكوميدية والمغامرات.

ديدو

أحداثه بتدور في إطار كوميدي، عن الشاب ديدو اللي بيقرر مع أصدقائه سرقة عالم ثري، ولكن الأخير بيحولهم لـ عقلة أصبع، بطولة كريم فهمي، هدى المفتي، محمد ثروت، بيومي فؤاد، حمدي الميرغني وغيرهم. تأليف كريم فهمي. إخراج عمرو صلاح..

ثانية واحدة

بيحكي قصة شاب بيتعرف على فتاة، وبيتسبب لها في مشاكل كتير، بيتعرض لحادثة بتقلب حياته بشكل كبير. بطولة دينا الشربيني، مصطفى خاطر، محمود حميدة، بيومي فؤاد، علا رشدي، سوسن بدر، ويزو، وعدد من ضيوف الشرف ومنهم: فتحي عبدالوهاب، أحمد الفيشاوي، تأليف مصطفى حمدي. إخراج أكرم فريد.

الإنس والنمس

متوقع بشكل كبير طرحه في العيد، بطولة النجم الكوميدي محمد هنيدي، منة شلبي، عمرو عبدالجليل، عارفة عبدالرسول، ماجد الكدواني، وعدد كبير من النجوم، وبيدور الفيلم في إطار فانتازي كوميدي.

وطبعًا ماتنسوش الكمامة والكحول وتسيبوا مسافة بينكم اللي حواليكم.

وكل عيد وأنتم مبسوطين ومفرفشين.