The Definitive Guide to Living in the Capital , Cairo , Egypt

فى الواقع، إحنا بـ نشجع مبادرة “زاوية” اللى بـ تعرض أفلام غير تجارية، الأفلام اللى بـ تشارك فى المهرجانات الدولية وبـ تحصد الجوائز واهتمام النقاد وكل العاملين فى قطاع السينما غير الهادفة للربح بشكل أساسى.

ضمن مبادرة زاوية بـ نشوف فيلم “سلم إلى دمشق”، الفيلم اللى أخرجه وألفه المخرج السورى محمد ملص، ملص من مواليد الجولان سنة 1945، درس السينما فى موسكو ورجع سوريا لإتمام مشاريعه السينمائية، شارك كضيف شرف فى فيلم المصير من إخراج العالمى يوسف شاهين سنة 1997 ومسلسل كليوباترا وغيرها من الأعمال.

الفيلم من بطولة زياد كلثوم، وبلال مارتيني، وجيانا عناد، وغيرهم من الفنانين، وبـ يحكي عن “غالية” البنت اللى بـ تقرر السفر لدمشق لتعلم ودراسة التمثيل، بـ تقابل المخرج الشاب “فؤاد” خلال رحلتها اللى بـ تغوص فى أعماق البشر قبل ما تغوص فى أعماق الدولة السورية الممزقة بين الاختلافات السياسية والعراقة الثقافية.

الفيلم بـ يعتبر رحلة فى النفس البشرية على طول خط السيناريو، بالإضافة للتنقل فى عدد من أماكن التصوير اللى بـ تظهر الحياة فى سوريا بشكل مختلف كثير عن أعمال أخرى تناولت نفس الأماكن.

الموسيقى التصويرية والديكور كان لهم دور كبير فى الأحداث، والموسيقى التصويرية الهادئة أحيانًا، والمنفعلة أحيانًا ساعدتنا بقوة على الدخول فى سياق الأحداث اللى بـ تتصاعد مع وتيرة الفيلم بشكل متوازي، والديكور زى ما قولنا كان له دور مهم هو كمان فى الأحداث.

محمد ملص المخرج عقد ندوة بسينما أوديون بعد عرض الفيلم، وتناقش مع رواد السينما عن الفيلم اللى بـ يعرض للجمهور العادي يمكن للمرة الأولى بعد فوزه فى مهرجان دبي السينمائى الدولى بجائزة المُهر.

“سلم إلى دمشق” فيلم مختلف عن دولة مختلفة وأشخاص مختلفين، ننصحكم بمشاهدته لو كنتم من محبى النوعية دى من الأفلام.