The Definitive Guide to Living in the Capital , Cairo , Egypt

في كتير من مراحل حياتنا بنكون محتاجين جرعة من التفاؤل، والتشجيع على النظر للأمور بشكل مختلف. هي دي رسالة سامح حسين في أحدث أفلامه (عيش حياتك).

الفيلم بيحكي عن إبراهيم “سامح حسين” اللي حياته كلها ملل وتكرار، نتيجة خوفه من تجربة أي حاجه جديدة في الحياة. لكن كل ده بيتغير لما بيضطر يطلع سفرية شغل، مع زميلته داليا “ساندي”، علشان يصوروا حملة إعلانية جديدة.

سامح حسين بيحاول يخرج من الإطار اللي حبس نفسه فيه لفترة طويلة، دور الشاب منخفض الذكاء محدود الفهم. وفي رأينا أن سامح له قدرات فنية كبيرة وتستحق التوظيف بشكل جيد ومميز.

عيش حياتك هو التجربة السينمائية الثانية لساندي بعد فيلمها الخفيف (خلطة جيمي). ساندي مش في مستوى كويس من التمثيل. علشان كده بتحاول تعوض ده بخفة الدم والغناء. بشكل عام الجمهور بيتصالح مع المغني لما يمثل، علشان عارفين أنها مش وظيفته الأساسية.

المخرج تامر بسيوني قدم لنا تجربة بصرية جيدة، من خلال التصوير في أماكن سياحية جميلة في مصر. ودعم السياحة بشكل عام كان من الأهداف المعلنة للفيلم. ناس كتير من اللي هيشوفوا الفيلم، هتتفتح عينهم على أماكن خلابة في مصر تستحق الزيارة.