The Definitive Guide to Living in the Capital , Cairo , Egypt

  • أحمد مالكجميلة عوض...
  • دراما
  • محمود زهرانهادي الباجوري
  • في1 Cinema
تم التقييم بواسطة
Mohamed Hamdy
قيم
قيم الآن
فيلم الضيف: الحوار هو البطل

بعض الأفلام بيكون الفنان هو العنصر الأساسي لقوتها، زي أفلام عادل إمام. وأفلام تانية بتكون قوتها في ديكوراتها، أو الموسيقى التصويرية. لكن إن يكون مصدر قوة الفيلم هو المؤلف، دي حاجه بتحصل بشكل قليل في أفلامنا العربية. ويعتبر “الضيف” من الأفلام اللي كانت محط الأنظار مؤخرًا، بسبب شهرة مؤلفه إبراهيم عيسى، وإثارته للجدل.

الضيف بيحكي عن الدكتور يحي حسن التيجاني “خالد الصاوي”، اللي بيعيش تحت حراسة مشددة. بسبب آراؤه اللي بتستفز المتشددين والمحافظين. دكتور حسن بيستقبل أسامة “أحمد مالك”، كضيف في بيته. وبيدور بينهم حوار طويل، بيمتد على زمن الفيلم كله تقريبًا. مع تداخلات من “شيرين رضا” و”جميلة عوض”، كشخصيات مساعدة في التطور الدرامي.

المميز في “الضيف” مش بس إنه بيستمد قوته من مؤلفه، لكن الفيلم عبارة عن قعدة حوار ونقاش، لمدة ساعة ونصف، هي عمر الفيلم. والنوعية دي من الأفلام مش موجوده كتير في السينما المصرية، عكس أفلام أجنبيه كتيرة زي”12 Angry Men” و”Perfect Strangers”.

ونتيجة تركيز الفيلم على الحوار بالمقام الأول، شوفنا أبطال الفيلم بأدوات تمثيلية بسيطة، علشان يقدروا يعبروا ويوصلوا لنا مشاعر شخصياتهم. وخالد الصاوي نجح تمامًا في ده. لكنه أحيانًا كان بيدي انطباع مدرس بيلقي حوار على التلاميذ. ودي Format شبيهه بالبرامج اللي قدمها إبراهيم عيسي في مشواره. لما بيقدم حديث مباشر للجمهور، بدون ضيوف.

يُحسب للفيلم عدم إحساسنا بالملل، رغم محدودية زمان ومكان الأحداث. وده نتيجة الحوار الشيق اللي كان بيناقش كتير من القضايا المثيرة. كمان الأداء التمثيلي عوض نقص التنوع البصري في الفيلم.

بنرشح فيلم “الضيف” للمشاهدين محبي الأفلام اللي بتركز على الحوار، كأداة أساسية لتحريك الأحداث. ولمحبي مؤلفات وبرامج ابراهيم عيسى.

عجبك ؟ جرب

12 Angry Men

نصيحة 360

الفيلم يعتبر التعاون الأول بين المخرج هادي الباجوري، والكاتب إبراهيم عيسى.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح