The Definitive Guide to Living in the Capital , Cairo , Egypt

أفلام
211

فيلم ٢١١: نيكولاس كيدج في مواجهة عصابة بنوك

أفلام إثارة اكشن ريفيو سينمات القاهرة فيلم ٢١١ قصة حقيقية نقد أفلام نيكولاس كيدج
  • أماند سيرنيصوفي سكلتون...
  • حركة ومغامرات
  • يورك أليك شاكلتون
  • في1 Cinema
تم التقييم بواسطة
Mohamed Hamdy
قيم
قيم الآن
فيلم ٢١١: نيكولاس كيدج في مواجهة عصابة بنوك

“مقتبس عن واحدة من أعنف وأكثر قصص سرقات البنوك دموية”

مجرد معرفتنا بالمعلومة دي أثناء مشاهدة الأعلان الترويجي “التريلر” الخاص بالفيلم، عرفنا أننا هنكون أمام قصة متميزة وأداء تمثيلي عالي. لكن مع وجود أسم نيكولاس كيدج على الفيلم حسينا بالتردد. هل أصبح إسم نيكولاس كيدج مرادف للأفلام ضعيفة الأنتاج سيئة التنفيذ؟

 

٢١١ بيحكي عن قصة حقيقية لضباط شرطة في دورية يومية تقليدية جدًا، لكن المهمة التقليدية بتتحول لكارثة حقيقية مع اصطدام الشرطة بمجموعة من لصوص البنوك بتقوم بواحدة من أخطر وأجرأ عمليات سرقة البنوك في الفترة الأخيرة. هل هيقدروا يتصدوا لهم؟

نيكولاس كيدج فنان بيعاني من حالة طويلة وممتدة من الاختيارات الخاطئة في معظم أفلامه الأخيرة، والحقيقة أن الأجيال الجديدة من محبي الأفلام، واللي ماحضروش فترة تألق كيدج وأفلامة الخالدة زي The rock و Face Off بيكون إسم كيدج عندهم مرادف للضعف الفني والتدهور.

لكن علشان نكون منصفين نيكولاس كيدج قدر يقدم أداء تمثيلي قوي، خاصة مشاهد الأكشن اللي أبدع فيها المخرج ومؤلف الفيلم يورك أليك شاكليتون واللي قدر يوظف الإمكانيات التمثيلية والجسدية لأبطال الفيلم لصالح القصة والفيلم بشكل عام.

من الأمور القوية كمان في الفيلم المؤثرات الخاصة والخدع السينمائية اللي تم تقديمها باحترافية عالية، وفريق الدوبليرات اللي قدروا يعملوا مشاهد قوية ومؤثرة في سياق درامي قدر يجذبنا كمشاهدين من أول مشهد لآخر مشهد.

فيلم ٢١١ بيقدم أكشن وإثارة بشكل متميز، وننصح بمشاهدته لمحبي أفلام سرقات البنوك والأفلام المقتبسة عن قصة حقيقية.

علشان تبقى عارف: تقييم الفيلم على موقع IMDB هو ٤.٣ من ١٠.

 

عجبك ؟ جرب

End of Watch

نصيحة 360

توقف تصوير الفيلم لحوالي أسبوعين نتيجة إصابة اتعرض لها نيكولاس كيدج أثناء فترة التصوير.  

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح