47 Meters Down: Uncaged
فيلم 47Meters Down: Uncaged: ما كان كفاية الجزء الأول
47 Meters Down: Uncaged 48 Meters Down صوفي نيليس كارين الفكس
الأفلام اللي بتحكي عن أسماك قرش بتهاجم مجموعة كبيرة أو صغيرة من الأفراد مش جديدة، ونقدر نقول إنها توليفة من الميزانية المنخفضة، والنجاح المضمون، ويمكن علشان كده بنشوف كل سنة فيلمين أو ثلاثة بيتكلموا عن نفس الموضوع.
ويمكن ده سبب لما يفشل فيلم زي 47 Meters Down: Uncaged يخلينا نحس إن مالوش عذر، خاصة وإنه يعتبر إعادة تقديم لفيلم 47 Meters Down واللي قدر يحقق نجاح كبير بميزانية منخفضة، يعني المفروض إن الفيلم كان معاه كل مقومات النجاح.
الفيلم بيحكي عن مجموعة أصدقاء بيقرروا أستكشاف كهف كبير في مدينة أثرية تحت المياه، لكن المغامرة دي بتتحول لكارثة لما يكتشفوا إن الكهف ده بيت لأسماك قرش عملاقة، وطبعًا ده معناه هجوم القرش عليهم، لكن في الحقيقة القرش لو شاف مستوى الفيلم كان ممكن يهاجم المخرج شخصيًا!
لما بنتكلم عن ضعف مستوى الفيلم بنقصد بيه إن حبكة الفيلم مش بتبان وتوضح غير بعد نصف ساعة من الأحداث تقريبًا، في حين إن إحنا مش محتاجين كل الوقت ده علشان نعرف إن البنات هتغوص تحت المياه وتقابل القرش! كل ده واضح من التريلر أساسًا!
كمان المستوى التمثيلي لأبطال الفيلم “صوفي نيليس” و”كارين الفكس” وباقي بطلات الفيلم كان ضعيف جدًا، وده المتوقع من أبطال كل المطلوب منهم إنهم يمثلوا حالة الفزع قدام القرش، اللي هو كمان مستوى تنفيذه كان ضعيف على صعيد المؤثرات الخاصة والجرافيكس.
بالمناسبة، الفيلم بيعرض تحت إسم تاني هو 48Meters Down.
أكتب تقييم
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
