Abominable
فيلم Abominable: قوم استكشف العالم
Abominable ألبرت تساي تنزينج نورجاي ترينور جيل كولتون كلو بينيت-
ألبرت تسايتنزينج نورجاي ترينور...
-
خيال علميكارتون
-
تود ويلدرمانجيل كولتون
-
في1 Cinema
Mohamed Hamdy
كتير مننا بيحبوا أفلام الأنيميشن اللي فيها -بالإضافة للمتعة والمغامرة- رسالة للكبار والصغار في نفس الوقت، وفيلم Abominable نقدر نعتبره من الأفلام دي.
فيلم Abominable بيحكي عن بنت صغيرة بتكتشف إن سطح بيتها عليه كائن خرافي اسمه “يتي” ومن هنا بتبدأ الحكاية، وبتاخد معاه جولة طويلة من المغامرات والكوميديا علشان ترجع الكائن ده لموطنه الأصلي.
كائن “اليتي” لو حد مش عارفه، هو كائن خرافي، بيؤمن بوجوده بعض الشعوب في دول شرق آسيا، وفي الغالب بيكون دوره مرعب في المعتقدات والأساطير، لكن في فيلم Abominable بنشوف ظهور كوميدي ومحبوب للأطفال.
من أجمل الحاجات اللي عجبتنا في الفيلم هي أسلوب التحريك والرسم الاحترافي، بالإضافة إلى إن اختيار الألوان في الفيلم كان جميل، ولما عملنا ميكس لكل ده مع الموسيقى الحلوة حسينا إن الفيلم كله عمل لنا حالة جميلة من الاستمتاع.
الأداء الصوتي من “كلو بينيت” و “ألبرت تساي” و “تنزينج نورجاي ترينور” وباقي أبطال الفيلم كان جيد، صحيح أحيانًا كنا بنحس إن الأصوات مش راكبة مع الشخصيات المرسومة على الشاشة لكن الموضوع ده مضايقناش بشكل كبير.
سواء سيناريو الفيلم أو الإخراج اللي قام بيهم “جيل كولتون” كانوا متميزين بالسرعة والحيوية، وكان صعب قوي تحس بالملل، وده برضو من الحاجات الجميلة اللي عجبتنا في الفيلم بالإضافة للرسالة اللي بيقدمها.
الفيلم من إنتاج أمريكي صيني مشترك، وميزانيته حوالي 75 مليون دولار أمريكي.