The Definitive Guide to Living in the Capital , Cairo , Egypt

بعض الأفلام المقتبسة عن قصص حقيقية بتكون قصصها أغرب من الخيال فعلًا، لكن قصة All the Money in the World بالفعل غريبة وتستحق المشاهدة. تعالوا نتعرف أكتر على الفيلم.

القصة

فيلم All the Money in the World بيحكي عن عصابة بتقدر تخطف حفيد أغنى رجل في العالم تقريبًا، لكنه بيرفض دفع الفدية، الأمر اللي بيدفع والدته لمحاولة إقناع المليونير عديم الرحمة بدفع الفدية بأي شكل.

فريق العمل

الفيلم من تأليف  ديفيد سكاربا وإخراج ريدلي سكوت، وبطولة مارك ويلبرج وكريستوفر بلامر وميشيل ويليامز وتيموثي هوتون وتشارلي بلمر.

الأداء التمثيلي

الأداء التمثيلي لأبطال الفيلم كان أكتر من رائع، خاصة مارك ويلبرج واللي بيثبت يوم بعد يوم إنه يقدر يقوم بأي دور يسند له، سواء كان دور أكشن أو جاسوسية أو حتى كوميديا. والحقيقة أن المتابع لأعماله الأخيره هيعرف ده كويس.

السيناريو والحوار والإخراج

سيناريو الفيلم محتاج كتير من التركيز علشان يشعر المشاهدين بالمتعة، والإخراج بذل قصارى جهده لتوضيح الأحداث وقصة الفيلم، وأداة الإخراج في ده كانت توظيف الحوار لصالح خدمة القصة.

الديكورات والموسيقى والأزياء

ديكورات الفيلم نقلتنا بشكل ممتاز للفترة الزمنية اللي بيحكي عنها الفيلم، وقدرت الموسيقى التصويرية إنها تدخلنا في السياق العام للأحداث، ولازم نرجع تاني ونقول أن الإخراج نجح في توظيف العوامل دي كلها لخدمة الفيلم وأحداثه.

الخلاصة

فيلم All the Money in the World بيقدم قصة مميزة وأكيد هيعجب كل محبي الأفلام المقتبسة عن قصص حقيقية.

علشان تبقى عارف: تقييم الفيلم على IMDB وصل لـ 7.1 من 10.