The Definitive Guide to Living in the Capital , Cairo , Egypt

فترة الحرب العالمية الثانية تظل فترة مهمة وجذابة لكل المؤلفين وكتاب السيناريو والمخرجين والممثلين سواء في هوليوود أو خارجها.

علشان كده فيلم Atomic Blonde بياخد من الفترة دي مسرح لأحداثه.

القصة

الفيلم بيحكي عن العميلة المحترفة لورين برايتون، واللي بتقرر السفر إلى برلين علشان تكشف سر شبكة جاسوسية قتلت مجموعة من العملاء. الأمر اللي بيدخلها في سلسلة لا تنتهي من الصراعات والمشاكل واللي كلها بتاخد شكل دموي وقاسي وعنيف.

فريق العمل

الفيلم من إخراج ديفيد ليتش، ومن تأليف أنطوني جونستون، وسيناريو كيرت جونستاد، أما البطولة فكانت من نصيب تشارليز ثيرون وجيمس ماكافوي مع توبي جونز وإيدي ماريسون.

الأداء التمثيلي

كان من الواضح المجهود المتميز اللي بذلته تشارلز ثيرون في أداء دورها في الفيلم. وشوفنا لها لقطات على يوتيوب من تدريباتها على مشاهد الأكشن الخاصة بالفيلم، كمان باقي الأبطال كان من الواضح تميزهم على المستوى التمثيلي، ورغبتهم في إبراز أقصى ما عندهم لنجاح الفيلم، وده اللي حصل وشوفناه بالفعل.

السيناريو والحوار والإخراج

سيناريو الفيلم كان سريع جدًا وجذاب من المشهد الأول، وقدر يتناغم مع الحوار والأداء التمثيلي علشان يقدموا لنا فيلم قوي ومختلف، وافتكرنا وإحنا بنتفرج عليه سلسلة جون ويك، وحسينا إن تشارلز ثيرون بتقوم بالنسخة النسائية من دور كيانو ريفز.

أما إخراج الفيلم فقدر ينقلنا لزمن الحرب العالمية الثانية وعالم الجاسوسية، وأبدع في إخراج مشاهد الأكشن والالتحامات والقتال اليدوي.

الديكورات والموسيقى والأزياء

على الرغم من تميز الفيلم لكن الديكورات وموديلات السيارات لم تكن مقنعة لنا إننا في الحرب العالمية الثانية، كمان الموسيقى لم تكن بالقوة اللي كنا متوقعينها لكن الأزياء كانت احترافية وفاخرة خاصة ملابس تشارلز ثيرون.

الخلاصة

فيلم Atomic Blonde عمل مهم من أفلام الجاسوسية والحركة، ننصح به كل محبي النوعية دي من الأفلام.

علشان تبقى عارف:

الفيلم للكبار فقط!