The Definitive Guide to Living in the Capital , Cairo , Egypt

فندق الرويال هو فندق غامض بيقع بين ولايتين أمريكيتيين، وبيقوم على خدمة الناس اللي بتزور أي ولاية منهم. وفي الغالب مش بيستقبل عدد كبير من الزوار على مدار السنة. لكن في أحد الأيام بيستقبل 7 أشخاص أغراب. بيحمل كل واحد منهم سر خاص. لكن الواضح أن المكان نفسه له أسراره اللي بنشوفها مع تطور أحداث الفيلم.

هي دي باختصار قصة فيلم Bad Times at the El Royale. وزي ما هو واضح هي مش قصة جديدة أو مختلفة عن كتير من أفلام الإثارة والغموض اللي بنشوفها. ياترى إيه المختلف بخصوص الفيلم، وإيه اللي يخلينا نرشحه للمشاهدة؟

أول اختلاف في الفيلم هو انحيازه لفترة أواخر الثمانينيات وأوائل التسعينيات السينمائية. الفترة اللي شهدت ظهور أسماء زي كوينتن ترانتينو مثلًا، وغيرهم من المخرجين اللي شهدت الفترة دي لمعان أسمهم. وده اللي لعب عليه المخرج والمؤلف درو جودارد ونجح في تقديمه. وده بنلاحظه من طريقة تقديم المشاهد والإضاءة المسيطرة على معظم الفيلم وحركة الكاميرا وغيرها من الأساليب اللي تم تنفيذ الفيلم بيها.

ثاني اختلاف بيتمثل في فريق العمل المميز المكون منه الفيلم. عندنا كريس هيمسورث وداكوتا جونسون وجيف بريدجيز وجون هام وغيرهم من نجوم الصف الأول في هوليوود. ولازم نخص بالذكر الجميلة داكوتا جونسون واللي قدمت قبل كده سلسلة أفلام Fifty Shades of Grey الجريئة.

وأخيرًا. نقدر نقول أن فيلم Bad Times at the El Royale مش الأفضل في فئة أفلام الغموض. لكن بالنسبة لمحبي النوعية دي من الأفلام هيعتبر إضافة جيدة وطريقة مختلفة لتقديم تيمة الأشخاص المتواجدين في مكان واحد غامض.

علشان تبقى عارف: تقييم الفيلم على موقع IMDB هو 7.6 من 10.