Black Water
فيلم Black Water: عودة قوية لـ جان كلود فان دام؟
black water أفلام أكشن أكشن جان كلود فاندام جندي سينما عصابة غواصة فان دام فيلم قتال محبوس مخابرات مقال نقدي منظمة-
جاسمين وولتزجون كلود فان دام...
-
حركة ومغامرات
-
باشا باتريكي
-
في1 Cinema
Mohamed Hamdy
واضح أن جان كلود فان دام قرر العودة من جديد وبقوة لعالم التمثيل، من خلال اللعب في المنطقة والمساحة المضمونة بالنسبة له. واللي هي طبعًا الأكشن.. تعالوا نتعرف أكتر على فيلم Black Water، ونشوف إذا كان الفيلم عودة قوية لممثل كبير ولا لأ.
فيلم Black Water بيحكي عن عميل للمخابرات المركزية بيجد نفسه محتجز على متن غواصة في غاية السرية والخطورة. وعلشان يهرب من الموقف ده لازم يستعين بكل قدراته القتالية والعقلية، وكمان بالاستعانة بصديق له. لكن الأمور بتتعقد لما.. مش عاوزين نحرق القصة أكتر من كده علشان تقدروا تستمتعوا بأحداث الفيلم.
الفيلم من تأليف تشاد لو، وإخراج باشا باتريكي. وبيشارك فيه مع جان كلود فان دام، دولف لاندجرين وباتريك كيلباتريك، مع كريس فان دام.
هو طبعًا في نوعية الأفلام دي بيكون التركيز على المشاهد القتالية وإخراجها، أهم من التركيز على الأداء التمثيلي نفسه. علشان كده لاحظنا ضعف الأداء الدرامي، على حساب قوة المشاهد القتالية ومشاهد العنف. وخاصة مشاهد القتال بالأيدي. وعلى الرغم من أن ده يعتبر من عيوب الفيلم، لكن محبي أفلام الأكشن بشكل عام كتير منهم مش بيهتم بالتمثيل، وبيفضل جودة العنف والأكشن.
نقدر نقول عن سيناريو الفيلم أنه واضح وسريع وبيدي كل تفصيلة من تفاصيل الفيلم حقها. أما حوار الفيلم حسينا أنه متكلف شوية. وإن الحوارات دي مش بتحصل في الحياة اليومية للبشر. لكن بالمقارنة بالجو العام اللي بتدور فيه الأحداث، نقدر نقول أن الحوار كان جيد.
لو اتكلمنا عن ديكورات الفيلم فلازم نقول أنها كانت جيدة، كمان اختيار أماكن التصوير لعب دور مهم في دخولنا في جو الأحداث، أما الموسيقى التصويرية الحماسية فتم استغلالها وتوظيفها في الفيلم بطريقة جيدة.
من الأخر الفيلم هيعجب المهووسين بأفلام الحركة، خصوصًا الجيل القديم شوية، اللي كان بيحب وبيتابع أفلام جان كلود فان دام.
علشان تبقى عارف:
تقييم الفيلم على IMDB وصل لـ 5.2 من 10.