The Definitive Guide to Living in the Capital , Cairo , Egypt

أفلام
Brawl in Cell Block 99

فيلم Brawl in Cell Block 99: عن الاختيارات السيئة في الحياة

  • جينيفر كاربنتردان أمبوير...
  • دراما
  • إس كريج زالر
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Brawl in Cell Block 99: عن الاختيارات السيئة في الحياة

ساعات اختيار واحد غلط صغير بناخده في لحظة طيش بيكلفنا حاجات كتير. وساعات لحظة واحدة من لحظات الغضب بتخلينا ندفع التمن غالي لسنين من عمرنا. عن كل ده وحاجات أكتر بيحكيلنا فيلم Brawl in Cell Block 99 بالتفصيل.

 

 

القصة

الفيلم بيتناول قصة ملاكم سابق بيتحول لتاجر مخدرات، ثم بيتم إلقاء القبض عليه والزج به في السجن علشان نشوف هيتصرف إزاي في السجن وهيقضي مدة العقوبة الخاصة به إزاي.

فريق العمل

الفيلم من تأليف وإخراج كرياج زاهلر ومن بطولة جينيفر كاربنتر وفينيس فوجان ودون جونسون ومارك بلوكاس وتوم جويري.

الأداء التمثيلي

عبء الأداء التمثيلي بالكامل كان على كاهل فينيس فوجان، والحقيقة إحنا مستغربين إزاي فنان كوميدي زي فوجان مشهور عنه أدوار كوميدية زي دوره في The internship  و The Breakup وغيرها من الأفلام، إزاي قدر في النهاية يخرج من جلده ويقدم دور بالقدر ده من الجدية والحركة والأكشن. والحقيقة إن فينيس فوجان فتح لنفسه آفاق جديدة وأعاد تقديم نفسه من جديد بالدور اللي قام بيه.

 

السيناريو والحوار والإخراج

سيناريو الفيلم كان مباشر وخالي من التعقيد أو المبالغات، لكن ممكن بعض المشاهدين تشعر فيها بالزهق خلال الربع الأول من الأحداث لكن بعد كده الأحداث بتاخد منعطفات جديدة وبتبدأ تنتعش من جديد، أما إخراج الفيلم فكان جيد وحاول يلتزم بنفس خط السير الدرامي اللي رسمه السيناريو من البداية بدون زيادة أو نقصان أو محاولة (فزلكة) سينمائية وده في حد ذاته شيء جيد ويستحق الاحترام.

الديكورات والموسيقى والأزياء

ديكورات الفيلم والموسيقى التصويرية الخاصة به تيجي في المقام المقبول.

 

الخلاصة

فيلم Brawl in Cell Block 99 بيقدم أكشن وأثارة وبيورينا العواقب السلبية اللي بتحصل لما بنقرر ناخد قرارات غلط في حياتنا.

 

عجبك ؟ جرب

Southpaw

نصيحة 360

فينيس فوجان بطل الفيلم من مواليد مارس 1970 في مينيسوتا بأمريكا، وقدم مجموعة من الأفلام الكوميدية الشهيرة زي Wedding Crashers و The Break-Up.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح