-
جرايسي دزينيجيسون دروكر...
-
إثارةحركة ومغامرات...
-
ترافيس نايت
-
في1 Cinema
Mohamed Hamdy
على الرغم من أن سلسلة Transformers بدأت كمسلسل كارتوني في مطلع الثمانينيات. إلا أن الفكرة تحولت إلى فيلم، ثم إلى سلسلة أفلام كاملة، لها عشاق حول العالم.
السلسلة كان نجاحها متفاوت. بعض الأجزاء حققت نجاح أكتر من غيرها. يعني الجزء اللي كان بعنوان “Dark of the Moon” 2011، حقق إعجاب جماهيري ونقدي أعلى من “Revenge of the Fallen” 2009.
فيلم Bumblebee بيعود بالأحداث للبداية. وبنتعرف على قصة المراهقة تشارلي “هالي ستينفيلد”، اللي بتحصل على سيارة فولكس صفراء قديمة. لكن مع الوقت بتكتشف أن السيارة في الأصل، إنسان آلي متطور وقادر على القتال. وبتبدأ سلسلة من الأحداث المثيرة، اللي بتجمعهم مع بعض.
من أهم الأمور اللي عجبتنا في الفيلم، هي الخدع السينمائية المبهرة والمثيرة. صورة قدر المخرج “ترافيس نايت” يقدمها باحترافية، خاصة أنه جي بخلفية إخراج أفلام أنيميشن. هو اللي قدم لنا فيلم Kubo and the Two Strings سنة 2016. اللي كان واحد من أقوى أفلام السنة.
بطلة الفيلم “هالي ستينفيلد” شوفناها قبل كده في أفلام زي: Pitch Perfect 2 و Ender’s Game و The Edge of Seventeen.
كان نفسنا عدد أكبر من المشاهد يتم تنفيذه في النهار علشان نشوف أجواء تصوير مختلفة، لكن الفيلم في غالبه كانت بتسيطر عليه الأجواء الليلية. وده كان من عيوب الفيلم من وجهة نظرنا.
الفيلم مميز وبنرشحه لكل محبي سلسلة Transformers، اللي بيحبوا أجواء الأكشن والمغامرة طول الوقت.