انتشرت مؤخرًا مجموعة من أفلام الحركة بتشترك جميعها في إنها متوسطة الميزانية، الأفلام دي بتشترك كمان في إنها بتجذب شريحة المشاهدين المراهقين أو الفئات الأصغر سنًا. تعالوا نتعرف أكتر على China Salesman.
القصة
فيلم China Salesman بيحكي عن شركة بتحاول تستحوذ على عقد له علاقة بالاتصالات، الأمر اللي بيدفع المنافسة لحدود قصوى ويخلي مجموعة من الأطراف تقع في صراع قاتل مع بعضها البعض على الفوز في المنافسة اللي بتاخذ شكل مختلف وأكثر عنفًا ودموية.
فريق العمل
الفيلم من تأليف وإخراج تان بينج وبطولة دونج-زو لي وستيفن سيجال ومارك فيليب جودمان ومايك تايسون وجاناسكي اسكيفولد.
الأداء التمثيلي
كان من الواضح أنه تم الاستعانة بنجوم الأكشن مايك تايسون وستيفن سيجال علشان يقدموا مشاهد الحركة والأكشن في الفيلم، لكن على الرغم من تقدمهم في السن إلا أنهم قدروا يقدموا أكشن قوي ومناسب للأحداث وده شيء يحسب لهم في النهاية.
السيناريو والحوار والإخراج
سيناريو الفيلم كان سريع ولم يترك فرصة للمشاهدين أنهم يشعروا بالملل، وفي المقابل الحوار كان سطحي بشكل ما، أو غير منطقي.
الديكورات والموسيقى والأزياء
ديكورات الفيلم والموسيقى التصويرية الخاصة به كانت ضعيفة على حساب الاهتمام بمشاهد الأكشن والقتال اليدوي وتبادل إطلاق الرصاص بي الأبطال.
الخلاصة
فيلم China Salesman بيقدم أكشن محدود الميزانية بيحاول يستغل كل الميزانية الخاصة به علشان يقدم تجربة مشاهدة جيدة.
علشان تبقى عارف:
بلغت ميزانية الفيلم حوالي 110 مليون يوان صيني.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
