The Definitive Guide to Living in the Capital , Cairo , Egypt

أفلام
Cold Blood

فيلم Cold Blood: حتى القتلة المحترفين عندهم قلب!

Cold Blood جان رينو
  • جان رينوجو أندرسون...
  • إثارةغموض وتشويق
  • فريدريك بيتيجيان
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Cold Blood: حتى القتلة المحترفين عندهم قلب!

فرضًا في يوم كنت بتتزحلق على الجليد في منطقة مهجورة وحصلت لك حادثة، يبقى حظك حلو لقيت حد ينقذك أو يساعدك، لكن في فيلم Cold Blood الشخص الوحيد اللي هيقدر يساعدك هيكون قاتل محترف!

فيلم Cold Blood من الأفلام اللي قصتها ممتازة، وفكرتها ينفع يخرج منها فيلم قوي وحيوي جدًا، لكن التنفيذ الضعيف والحوار اللي مش منطقي وأخطاء السيناريو، كانوا كفيلين بإسقاط الفيلم من وجهة نظرنا.

زي ما قولنا، الفيلم بيحكي عن “قاتل محترف” عايش في كوخ منعزل بين الثلوج، بيصادف إنه بيلاقي بنت مصابة قدام الكوخ بتاعه ومحتاجه مساعدة، لكن البنت دي وراها لغز هيعرض حياة الراجل ده للخطر، ومن هنا هنبدأ نشوف تغير في شخصيته ما بين راجل مهمته قتل الناس والمحافظة على حياته، وبين رغبته في انقاذ البنت ومساعدتها.

مع استمرار الأحداث بنحس إن السيناريو مش قادر يركز على الأحداث، الحوارات مش مقنعة ومش بتشرح خلفية الشخصيات بشكل صحيح، وفي النهاية حسينا إن الفيلم فيه فجوات كتير مطلوب إننا كمشاهدين نتخيلها ونكمل  أحداثها بنفسنا.

لكن المميز في الفيلم كان الأداء التمثيلي لـ”جان رينو” اللي يعتبر من الممثلين اللي شغلهم قليل لكن موهبتهم عالية وعارفين يقدموا شغل متميز من حيث الكيفية أكثر من الكمية.

كمان عجبنا جدًا اختيار أماكن التصوير، وفكرة الانعزال بين الثلوج كانت تجربة مختلفة ومميزة وظهرت على الشاشة بشكل جميل، خاصةً إن زوايا تصوير المشاهد دي في الفيلم كانت جيدة جدًا وخلتنا نحس بالاندماج في الأحداث.

عجبك ؟ جرب

Wind River  

نصيحة 360

فيلم Cold Blood من نوعية الأفلام اللي مشكلتها السيناريو، لإن كان ممكن نشوف فيلم قوي ومميز وقادر على المنافسة لو كان السيناريو أقوى.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح