Crazy Rich Asians
فيلم Crazy Rich Asians: حكاية سندريلا
Crazy Rich Asians أفلام جديد في السينما جون أم تشو جيما تشان ريفيو سينما سينمات القاهرة كونستانس وو ميشيل يوه نقد أفلامخليط سينمائي جميل هو اللي بيجمع بين الرومانسية والكوميديا مع بعض التراجيديا. خليط مش بيزعل حد من المشاهدين وبيرضي أكبر قدر ممكن منهم على الرغم من أختلاف أذواقهم. وخاصة جيل المراهقين والشباب من البنات واللي عاوزين يخرجوا من الواقع لمدة حوالي ساعتين مع فيلم خفيف. وهو ده بالظبط اللي بيقدمه فيلم Crazy Rich Asians.
Crazy Rich Asians بيحكي عن بروفيسيرة نصف أمريكية – صينية بتقرر تروح في رحلة مع حبيبها إلى سنغافورة علشان تتعرف على أسرته. وهناك بتكتشف أن حبيبها بينحدر من أسرة غنية جدًا. وبتبدأ تتعرف عن قرب على حياة الطبقة الغنية. لكن هل هتقدر الفلوس تخبي كل الحقائق؟!
أسلوب إخراج جون أم تشو للفيلم كان واضح من البداية.. فيلم خفيف بيحاول يرضي كل الأذواق ويقدم تنويعات مختلفة على تيمات متنوعة علشان يوصل لهدفه. وده أمر كويس جدًا.
وعلشان يوصل لهدفه قرر يستعين بفريق عمل قادر على توفير الأداء التمثيلي اللي محتاجه الفيلم. علشان كده بنشوف جيما تشان وميشيل يوه وكونستانس وو. وواضح طبعًا سبب الاستعانة بكل الممثلين من منطقة شرق أسيا بشكل يجعل الفيلم واحد من أكتر الأفلام القائم عليها فرق عمل كاملة من شرق أسيا.
المميز كمان في السيناريو والقصة أنهم مأخوذين من رواية حققت مبيعات قوية. لكن حسينا أن بعض الشخصيات الفرعية في الفيلم لم يتم التركيز عليها على العكس من الرواية. وده بسبب أن الفيلم لما بيركز على الأحداث مش بيقدر غير أنه يختار أحداث معينة فقط للتركيز عليها في حوالي ساعة ونصف. بينما الرواية تقدر تتناول أي قدر ممكن من الأحداث.
علشان تبقى عارف: تقييم الفيلم على موقع IMDB هو 7.5 من 10.