The Definitive Guide to Living in the Capital , Cairo , Egypt

أفلام
Dark Phoenix

فيلم Dark Phoenix: ختام ضعيف لسلسلة قوية

x men ابطال اكس من جين جراي سلسلة فينيكس قوة خارقة مغامرة
  • جنيفر لورانسجيمس مكافوي...
  • حركة ومغامراتخيال علمي
  • سايمون كينبيرج
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Dark Phoenix: ختام ضعيف لسلسلة قوية

لما نتكلم عن ختام سلسلة أفلام The X-Men سلسلة الأفلام اللي عاشت معانا على مدار حوالي ١٨ سنة شوفنا فيها كتير من التطورات على صعيد القصة وعلى صعيد نفسية الأبطال. بنحس أننا كنا نستحق فيلم أحسن بكتير من Dark Phoenix

فيلم Dark Phoenix بيحكي عن جين جراي “صوفي ترنر”، اللي بتستحوذ عليها قوة خارقة ومختلفة، بشكل بيخليها تغير أتجاهاتها وانتمائها. الأمر اللي بيحط فريق X-Men قدام أختيار صعب، بين فرد من الفريق وبين مصلحة البشرية بالكامل.

أقوى عنصر في الفيلم كان “صوفي ترنر”. في الحقيقة صوفي قررت تقدم أفضل أداء تمثيلي وجسدي عندها للفيلم، لكن القصة والسيناريو ما ادوهاش الفرصة علشان تقدم الأداء الجيد اللي يليق بيها. أو حتى يليق بسلسلة عريقة وقديمة زي دي.

الحوار في الفيلم كان ضعيف وسطحي. كمان حسينا بفجوات في السيناريو والخط الزمني للأحداث، بين الأجزاء السابقة والفيلم الحالي. بشكل عام أسوأ ما كان في الفيلم، هو أنه مجاوبش على أسئلة كان المفروض تكون أساسية في ختام السلسلة. لكن على العكس ساب الفيلم نقاط كتير مفتوحة وخرجنا من الفيلم حاسين أننا مش فاهمين عالم X-Men كما يجب.

الفيلم حقق إيرادات قليلة جدًا لحد دلوقتي، وبيلاقي هجوم كبير من الجمهور والنقاد على حد سواء. وفي رأينا الشخصي، إحنا محتاجين نشوف إعادة إنتاج لنهاية سلسلة X-Men بشكل لائق أكتر.

لكن علشان نكون منصفين. الفيلم فيه قدر ممتاز من الخدع السينمائية، ومجهود محترم في إخراج مشاهد الأكشن، للمخرج “سايمون كينبيرج” في أولى تجاربه الإخراجية.

الموسيقى التصويرية كمان كان لها تأثير كبير علينا، وساعدت على قوة الفيلم ومتابعتنا له. لكن القصة – اللي تعتبر واحدة من أهم عوامل أي فيلم- وضعفها وتفككها، كانوا من أكتر الحاجات اللي ضايقتنا منه.

عجبك ؟ جرب

الأجزاء السابقة من سلسلة X-Men

نصيحة 360

لازم على الأقل تكون شوفت آخر 3 أجزاء علشان تفهم الأحداث

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح