Down a Dark Hall
فيلم Down a Dark Hall: أشباح في مدرسة داخلية
Down a Dark Hall آنا صوفيا روب أفلام رعب ريفيو سيتمات القاهرة لويس دونكان مقال نقدي
فيلم Down a Dark Hall بيحكي عن (كيت) الفتاة المراهقة، اللي بتجسد دورها آنا صوفيا روب، واللي بتلتحق بمدرسة داخلية، وهناك بتواجه مجموعة من الأحداث المرعبة اللي بتحول حياتها وحياة باقي الطالبات في المدرسة لجحيم حقيقي.
لكن للأسف الفيلم اللي كتب قصته لويس دونكان، كان تقليدي جدًا، وما فيهوش فكرة جديدة، كمان تنفيذ القصة على الشاشة كان بيطبق كل عوامل التكرار والملل اللي ممكن نشوفها في أي فيلم رعب. بداية من الأشباح أو المخلوقات الغريبة اللي بتظهر فجأة من جوانب الشاشة، ونهاية بالقرارات غير المنطقية اللي بتاخدها الشخصيات أبطال الفيلم.
وللأسف الشديد ساعد على تسطيح الفيلم طريقة الإخراج اللي اتبعها رودريجو كورتيس، واللي أعتمدت هي كمان على النمطية وتقديم قوالب ثابتة شوفناها في كل أفلام الرعب الكلاسيكية تقريبًا!
الحاجة الإيجابية الوحيدة في الفيلم كانت الأداء التمثيلي القوي واللي قام به أوما ثورمان وآنا صوفيا روب، وإيزابيل فوهرمان، وغيرهن من بطلات الفيلم، والحقيقة أن الأداء التمثيلي كان قوي ومميز وقدروا يقنعونا بمشاهد الرعب اللي خرج معظمها في مشاهد مظلمة وفقيرة من ناحية الإضاءة للتغطية على أخطاء المؤثرات الخاصة والمكياج.
خلاصة الكلام عن فيلم Down a Dark Hall إنه هيعجب فقط مهاوويس أفلام الرعب والباحثين عنها باستمرار بغض النظر عن مستواها أو مدى الجديد اللي فيها.
علشان تبقى عارف: تم تصوير الفيلم ما بين أكتوبر 2016 وحتى ديسمبر 2016.