The Definitive Guide to Living in the Capital , Cairo , Egypt

الجميل في بعض الأفلام الموجهة للأطفال بالمقام الأول، إنه بيكون فيها رسايل خفية موجهة للكبار كمان، ودي من أمتع الحاجات اللي بتصادفنا في مشاهدة أفلام الأطفال ومنها فيلم Early Man.

القصة

الفيلم بيحكي عن عصور ما قبل التاريخ، لما بيحاول بطلنا أنه يوحد قبيلته ضد عدو قوي وغاشم وممكن يسبب خطر لكل القبيلة بتاعته. فهل هيقدر فعلًا يوحد قبيلته ويحقق هدفه ولا هيفشل في اللي بيحاول يعمله؟

فريق العمل

الفيلم من إخراج  نيك بارك، وتأليف مارك بيرتون، والأداء الصوتي لـ  تيموثي سبال وريتشارد ايواد ومارك ويليامز وكيفن ماتادين.

الأداء الصوتي

الأداء الصوتي للأبطال كان جيد ومعبر عن الشخصيات اللي بيقوموا بيها، ودي من أصعب الأدوات اللي لازم الممثلين يملكوها، وهي قدرتهم على توصيل كل مشاعرهم من خلال أصواتهم فقط بدون أي أدوات تانية.

السيناريو والحوار والإخراج

سيناريو الفيلم جميل ويشد المشاهدين لمتابعته على اختلاف أعمارهم وأفكارهم، أما الحوار فكان مبالغ فيه شوية لكن من ناحية تانية كان فيه بعض الجمل الكوميدية الجميلة واللي أضافت روح الكوميديا على الفيلم.

التصميم والموسيقى والتحريك

تصميم الشخصيات في الفيلم ممكن تكون غريبة شوية على عيوننا أو نكون مش متعودين عليها، وكمان نظام التحريك ممكن نكون مش متعودين عليه هو كمان، لكن النتيجة النهائية كانت جيدة وجميلة وجديدة على الأطفال والكبار على حد سواء.

الخلاصة

فيلم Early Man من الأفلام الخفيفة والممتعة المناسبة للكبار والصغار على حد سواء.

علشان تبقى عارف:

تقييم الفيلم  على IMDB وصل لـ 6.4 من 10.