-
جيسون بايتمانرايتشل مك آدامز...
-
كوميدي
-
جون فرانسيس دايلي
-
في1 Cinema
Mohamed Hamdy
من أكتر الحاجات اللي بتعجبنا في أفلام هوليوود قدرتهم على تقديم أفلام بتجمع بين أكتر من تيمة في نفس الوقت. زي الفيلم اللي هنتكلم عنه النهارده، واللي بيتناول تيمة أفلام الرعب والأكشن والكوميديا مع بعض في نفس الوقت ! تعالوا نعرف أكتر عن فيلم Game Night.
القصة
فيلم Game Night بيحكي عن مجموعة من الشباب اللي بيتقابلوا كل فترة ويلعبوا مع بعض، لكن المقابلة بتتحول فجأة لمغامرة كوميدية ومرعبة في نفس الوقت لما بيلاقوا نفسهم المفروض يحلوا غموض جريمة قتل تمت! ياترى إيه اللي هيحصل معاهم؟
فريق العمل
فيلم Game Night من إخراج جون فرانسيس دالي، وتأليف مارك بيريز، وبطولة ريتشيل ماك-آدامس وجيسي بليمونس وجاسون بيتمان وبيللي ماجنوسين وكايلي بنبري.
الأداء التمثيلي
لازم نعترف أن جاسون بيتمان قادر على إبهارنا بالأداء التمثيلي بتاعه في كل فيلم بيقوم بيه، على الرغم من اختلاف الشخصيات اللي المفروض يقوم بيها في كل عمل، إلا أنه في كل مرة بيقدر يقنعنا ويبهرنا بالأداء التمثيلي الخاص به، خاصة أنه ينتمي لمدرسة أسمها السهل الممتنع في التمثيل واللي بتزيد من استمتاع أي حد فاهم في السينما لما يشوف أداء بيتمان في كل فيلم بيقوم به.
السيناريو والحوار والإخراج
سيناريو الفيلم سريع ومتلاحق ومش بيسيب المشاهدين للحظة واحدة من الملل، وفي نفس الوقت نجح الفيلم في تقديم توليفة جديدة ومختلفة من المشاهد واللي برع الأخراج في تقديمها بشكل مبهر على الشاشة بطريقة تثبت أن المخرج فعلا متمكن من أدواته وقادر على توظيفها في المكان الصحيح والمناسب.
الديكورات والموسيقى والأزياء
ديكورات الفيلم كانت جيدة ومعبرة عن الأحداث، على العكس من الموسيقى التصويرية اللي حسينا أنها ضعيفة وكانت محتاجه تكون أقوى وأكثر تركيزًا على الأحداث أكتر من اللي شوفناه في النهاية على الشاشة.
الخلاصة
فيلم Game Night هيعجب محبي الأفلام المجنونة اللي بتقدر تعمل مزيج بين الرعب والكوميديا والأكشن في نفس الوقت.
علشان تبقى عارف: الفيلم يعتبر ثاني فيلم لجيسون بيتمان وراشيل ماك آدمز بعد State of Play.