The Definitive Guide to Living in the Capital , Cairo , Egypt

على الرغم من أهمية القصة في صناعة أي فيلم قوي، إلا أن تناول القصة إخراجيًا عامل مهم. بيتوقف عليه في النهاية نجاح الفيلم من عدمه. وهو ده اللي حصل مع فيلم Ghost Stories، اللي بيتعرض في السينمات مؤخرًا.

الفيلم بيحكي عن باحث في أمور الرعب إسمه فيليب جودمان “أندي نيمان”، اللي بيحاول دايمًا يدور على تفسير منطقي لكل ظاهرة غريبة. لكنه بيصطدم بمجموعة من القصص المرعبة، اللي بيظهر فيها عنصر غريب، بعيد كل البعد عن المنطق.

على الرغم من أننا شوفنا قصص مشابهة، إلا أن تناول المخرج والمؤلف “جيريمي دايسون” للقصة كان مختلف. وقدر يقدم لنا أجواء رعب قوية ومثيرة. مع الوضع في الاعتبار تاريخه الأخراجي اللي مافيهوش أعمال كتير.

من أهم الأمور اللي ساعدت دايسون في مهمته، هي الأداء التمثيلي الرائع لكل أبطال العمل. ونخص بالذكر هنا “أندي نيمان”، اللي قدر يقدم دور البطولة بشكل متميز.

المختلف في الفيلم أنه بيبتعد عن الأجواء المرعبة التقليدية، وبيقدم رعب مع لمسة فلسفية عميقة. الأمر اللي بيخلي جرعة الرعب في الفيلم مميزة. وده شىء مش بنلاقيه في كتير من أفلام الرعب اللي شوفناها مؤخرًا.

والحقيقة أننا مش بس بنرشح Ghost Stories لمحبي أفلام الرعب، لكن كمان للمشاهدين اللي عاوزين يشوفوا فيلم رعب للمرة الأولى أو الثانية في حياتهم.