The Definitive Guide to Living in the Capital , Cairo , Egypt

أفلام
Hostile

فيلم Hostile: عمل قوي عن نهاية العالم

سينمات القاهرة مقال نقدي
  • بريتني أشورثجريجوري فيتوسي...
  • رعب
  • ماثيو توري
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Hostile: عمل قوي عن نهاية العالم

نهاية العالم فكرة بتغري كتير من صناع السينما، وغالبًا الأفلام دي بتحقق نجاح كبير، تعالوا نتعرف أكتر على فيلم Hostile اللي بينتمي للنوعية دي من الأفلام.

القصة

فيلم Hostile بيحكي عن نهاية العالم بالشكل المعروف لدينا، ومحاولة بطلة الفيلم (جولييت) أنها تنجو بحياتها في ظل وجود مخلوقات غريبة ومرعبة بتحاول تقتل أي شخص تجده في طريقها، فهل هتقدر جولييت تحافظ على حياتها في البيئة العدائية دي؟

فريق العمل

الفيلم من تأليف وإخراج ماثيو توري، ومن بطولة بريتاني آشوورث وجورجي فيتوسي وخافيير بوتيت.

الأداء التمثيلي

على الرغم من صغر سنها إلا إن بريتاني آشوورث قدرت تقوم بدور قوي ومميز، وقدرت توصل لنا كمشاهدين كل المشاعر اللي ممكن يشعر بها أي أنسان في نفس الموقف بتاعها، والحقيقة أن بريتاني فنانة قوية وقادرة على القيام بأي دور يتم إسناده لها، ونتوقع أن الأفلام القادمة لها هتكون أقوى وأفضل وأكثر تأثيرًا.

السيناريو والحوار والإخراج

سيناريو الفيلم كان متوقع إلى حد كبير ومافيش مفاجأت كتيرة ممكن نشوفها، لكن الإخراج نجح في تحويل كل مشهد بنشوفه لتحفة سينمائية قوية ومؤثرة من خلال استغلال الأحداث المتلاحقة في السيناريو واللي كان مكتوب باحترافية وتميز شديد.

الديكورات والموسيقى والأزياء

معظم مشاهد الفيلم تم تصويرها في أماكن خارجية، وده بالتأكيد كان تحدي كبير لفريق الفيلم لكنهم قدروا ينجحوا فيه ويقدموا لنا مشاهد قوية، كمان الديكورات في كتير من المشاهد لعبت دور مهم علشان نشعر إننا بنشوف العالم بعد النهاية بالفعل، وطبعًا الموسيقى التصويرية هي كمان كان لها أثر قوي علينا وعلى متابعتنا للفيلم.

الخلاصة

Hostile فيلم قوي وهيعجب كل محبي أفلام نهاية العالم والتحديات اللي بتواجه الناس اللي بتواجه بيئة معادية.

علشان تبقى عارف:

بريتاني آشوورث بطلة الفيلم من مواليد الولايات المتحدة الأمريكية وقدمت بالأضافة لفيلم Hostile فيلم The Crucifixion.

عجبك ؟ جرب

Mad Max

نصيحة 360

تقييم الفيلم على موقع IMDB 5.4 من 10

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح