The Definitive Guide to Living in the Capital , Cairo , Egypt

في المواقف الصعبة اللي بتتطلب قرارات حاسمة، بتظهر معادن الناس. وبنعرف مين فعلًا البطل، ومين أي كلام.

الفيلم بيدور عن الأحداث الحقيقية، اللي حصلت في فندق “تاج” في مومباي سنة 2008. لما حاصرت مجموعة من الإرهابيين الفندق. وقرر موظفين الفندق إنهم يتولوا مسئولية الدفاع عنه وعن النزلاء.

تصميم مشاهد الحركة والقتال كان أكتر من رائع. والفيلم بيوريك إن البطل ده شخص عادي جدًا زيه زيك. وممكن يكون انت. لأن البطولة هي قرار بياخده شخص معين في موقف معين، يبين مدى إحساسه بالواجب والمسئولية تجاه الغير.

الموسيقى التصويرية لعبت دور مهم في تفاعلنا مع أحداث الفيلم. أوقات بتعلى وتكون بطلة المشهد، وأوقات تقل علشان تضيف لقوته.

كمان مانقدرش ننكر دور الديكورات، اللي قدرت تصنع مشاهد كاملة، كانت هي البطل الأساسي فيها. ودي مهمة صعبة، خاصة أن معظم أحداث الفيلم بتدور في أماكن مغلقة وضيقة نوعًا ما.

فيلم  Hotel Mumbaiبيفهمنا بيعرض جوانب مهمة في قيم البشر. لازم تشوفوه.