Incredibles 2
فيلم Incredibles 2: مناسب لكل العائلة
Incredibles 2 أبطال خارقين أفلام أنيميشن العالم بيكسار سينما عائلي كارتون مهمة نقد أفلامشركة بيكسار تعتبر واحدة من أشهر وأنجح شركات إنتاج أفلام الأنيميشن في العالم. ومن خلال أفلامها الـ 19 السابقة قدرت تثبت نفسها واسمها في الأسواق السينمائية. وتجذب عدد ضخم من نجوم هوليود لعمل الأداء الصوتي لأفلامها، اللي حققت المليارات من الأرباح في فترة زمنية قصيرة نسبيًا.
بيكسار السنة دي بتقدم فيلم Incredibles 2، اللي بيحكي عن مهمة هيلين لإنقاذ العالم في سلسلة من المغامرات غير المنتهية. في نفس الوقت بنشوف الطفل “جاك جاك” في البيت، والمواقف الكوميدية المتفجرة اللي بتحصل مع محاولة العناية به. كل الأحداث دي بتحصل في جو عام من الكوميديا والمغامرات اللامنتهية.
الأداء الصوتي لأبطال الفيلم كريج تي نيلسون وهولي هنتر وجون راتزينبيرجر وصامويل إل. جاكسون وسارا فويل كان مميز وحماسي. وحسينا إن المخرج براد بيرد قدر يوظف كل فنان في الشخصية المناسبة له تمامًا. كمان حسينا إن السياق الدرامي الخاص بالفيلم مناسب لكل شخصية من الشخصيات، علشان تظهر وتقدم مواقفها كاملة. وتظهر قدام المشاهدين والجمهور.
من أكتر الحاجات المميزة في الفيلم الجرافيكس المتطورة. وإخراج مشاهد الأكشن، وتحريك الشخصيات على الشاشة. كل الأمور دي بيكسار متميزة فيها. وفي مقدرتها تقديمها للمشاهدين بشكل جيد ومميز. ويمكن ده كان الطابع الغالب على كل أفلامها تقريبًا.
Incredibles 2 فيلم أنيميشن جيد بننصح بمشاهدته للكبار والصغار على حد سواء.
علشان تبقى عارف: الفيلم يعتبر الفيلم رقم عشرين في مسيرة إنتاجات (بيكسار).