The Definitive Guide to Living in the Capital , Cairo , Egypt

محبي سلسلة أفلام Insidious هيجدوا في الجزء الجديد متعة حقيقية باعتبار إنهم متابعين الفكرة من الأول، أما اللي بيشاهدوا الفيلم كأول تجربة لهم في السلسلة، ممكن يشعروا أن الفيلم ضعيف شوية أو جرعة الرعب فيه مش كافيه. تعالوا نتعرف أكتر على Insidious: The Last Key.

القصة

Insidious: The Last Key بيحكي عن الدكتورة أليس المتخصصة في دراسة الظواهر الخارقة للطبيعة، واللي بتواجه في الجزء ده حقيقة صعبة وهي أن منزل العائلة الخاص بها مسكون بالأشباح والأرواح الشريرة. إزاي هتقدر تتصرف مع الحقيقة دي؟!

فريق العمل

الفيلم من إخراج آدم روبيتيل، ومن تأليف لاي وانيل، ومن بطولة سبنسر لوك، ماركوس هندرسون، لاي وانيل، أفا كولكر، أماندا جاروس، ولين شاين

الأداء التمثيلي

الأداء التمثيلي في أفلام الرعب بيكون قائم على تصنع الدهشة والفزع والخوف الشديد، تقريبًا من كل أبطال الفيلم، ثم بتقوم المؤثرات الخاصة والتلاعب بالإضاءة وزوايا التصوير بالباقي تقريبًا. لكن لازم نستثنى لين شاين من القاعدة دي ونقول أنها قدرت تقدم أداء تمثيلي مميز ومثير للأعجاب.

السيناريو والحوار والإخراج

سيناريو الفيلم كان مباشر، وإلى حد بعيد الأحداث كانت قابلة للاستنتاج من البداية للنهاية ودي من الأمور اللي بنعيب فيها على سيناريو  الفيلم، أما الإخراج فعرف يوظف المؤثرات الخاصة والخدع السينمائية لخدمة أحداث الفيلم وتقديم جرعة رعب قوية.

الديكورات والموسيقى والأزياء

ديكورات الفيلم كانت مؤثرة ولعبت دور مهم هي والأضاءة في توصيل حالة الفزع والخوف، خاصة مع المؤثرات الخاصة والتلاعب بزوايا التصوير وغيرها من أفعال أفلام الرعب المشهورة.

الخلاصة

فيلم Insidious: The Last Key جزء حديث ومخيف من سلسلة أفلام رعب بيعرف قيمتها كل محبي أفلام الرعب على مستوى العالم، وبينتظروا الجديد منها باستمرار.

علشان تبقى عارف:

حقق الإعلان الترويجي للفيلم حوالي 15 مليون مشاهدة على يوتيوب.