The Definitive Guide to Living in the Capital , Cairo , Egypt

أفلام
Kickboxer: Retaliation

فيلم Kickboxer: Retaliation: أكشن التسعينيات الجميل

سينمات القاهرة مقال نقدي
  • جون كلود فان داممايك تايسون...
  • حركة ومغامرات
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Kickboxer: Retaliation: أكشن التسعينيات الجميل

قرائنا الأعزاء اللي حضروا فترة الأكشن الجميل أيام التسعينيات يفتكروا أفلام فان دام نجم المرحلة دي، والأفلام اللي كانت بتعتمد بشكل كبير على المهارات القتالية ومشاهد استعراض الضربات المختلفة وطريقة أدائها. فيلم Kickboxer: Retaliation بينتمي للفئة دي وبينتصر لها.. تعالوا نتعرف أكتر عليه.

 

القصة

فيلم Kickboxer: Retaliation بيحكي عن بطلنا (كورت سلون) واللي بيجد نفسه في مواجهة مقاتل عملاق وشرس في تايلاند.. مواجهة حاسمة لو انتصر فيها هيحصل على مبلغ ضخم وعلى وعد بحصوله على حريته. لكن هل هيقدر كورت فعلًا ينتصر في المواجهة الدامية؟

فريق العمل

الفيلم من تأليف وإخراج ديمتري لوجوثيتيس، ومن بطولة آلاين موسي وكريستوفر لامبرت وجان كلود فان دام ومايك تايسون واللي بيظهروا مع بعض للمرة الأولى على شاشة السينما.

الأداء التمثيلي

الأداء التمثيلي للأبطال كان ضعيف على حساب الأداء الحركي اللي كان أفضل وأقوى. يعني الأبطال كان عندهم قدرات حركية ممتازة وقدرة على أداء مشاهد الصراع بأفضل من المشاهد التمثيلية نفسها، وكان مطلوب من المخرج أنه يحاول يطلع من أبطاله أي أداء تمثيلي يخدم بيه المنطقة الدرامية في الفيلم أفضل من اللي شوفناه على الشاشة، لكن للأسف ده ماحصلش.

السيناريو والحوار والإخراج

سيناريو الفيلم كان مهتم بالمقام الأول بمشاهد الصراع اليدوي والالتحام والقتال على حساب مشاهد الدراما أو الحبكة على مستوى القصة، ومن الواضح أن الفيلم كان عارف كويس الجمهور الخاص به وبيستهدفهم من المشهد الأول، وده في حد ذاته مش عيب لكن كنا نتوقع شوية اهتمام بالفيلم على مستوى الحبكة أو القصة.

الديكورات والموسيقى والأزياء

ديكورات الفيلم والموسيقى الخاصة به كانت من أضعف ما يكون، وفي النوعية دي من أفلام الأكشن بيكون الاهتمام بالديكورات والموسيقى أقل ما يمكن على حساب مشاهد الأكشن اللي جاء إخراجها جيد وبيستهدف المشاهدين الشباب والمراهقين.

 

 

الخلاصة

فيلم Kickboxer: Retaliation ممتاز لمحبي أفلام الأكشن التسعينياتي الجميل.

علشان تبقى عارف:

تقييم الفيلم على IMDB وصل لـ 5 من 10.

عجبك ؟ جرب

الأجزاء السابقة من السلسلة

نصيحة 360

الفيلم يعتبر أو ظهور لفان دام في جزء ثاني من الأفلام

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح