The Definitive Guide to Living in the Capital , Cairo , Egypt

بعض إعلانات الأفلام بنشوفها علشان نعرف الخيوط العامة للأحداث. وبعض الإعلانات – زي فيلم Ma- بيكشف تقريبا 70% من الأحداث للمشاهدين!

فيلم Ma بيحكي عن ست وحيدة بتتصاحب على مجموعة من الشباب المراهقين وبتسمح لهم يستعملوا شقتها لإقامة حفلاتهم. ولما بيحس الشباب أن الأمور وردية أكثر من اللازم بتبدأ (سو أن) اللي قامت بدورها أوكتافيا سبنسر تكشف عن وجهها الحقيقي.

أوكتافيا سبنسر من الممثلات الخادعات جدا. شكلها الخارجي يعطيك إحساس انها ست بريئة وماعندهاش كتير تقدمه. لكن الحقيقة ان قدراتها التمثيلية اقوى من شكلها الخارجي بكتير. وبتقدر (تلبس) أي شخصية تقوم بها.

على الرغم من قدرة المخرج تيتتايلور على توظيف أداء سبنسر لصالح الفيلم لكن باقي عوامل الفيلم زي الحبكة والسيناريو وتوظيف الموسيقى التصويرية. كلها حاجات كانت محتاجه تكون أفضل. وضعفها بيدل على ان الفيلم لم ترصد له الميزانية الكافية.

Ma فيلم بيحاول كل اللي اشتغلوا فيه يصنعوا جو من الغموض والاثارة. إلا المسئولين عن الإعلان بتاع الفيلم واللي حرقوا لنا معظم الأحداث!

 تقييم الفيلم على موقع IMDb هو 6.2 من 10.