Malevolent
فيلم Malevolent: السحر لما ينقلب على الساحر
Malevolent جمهور خدعة رعب سحر سينما ضحايا فلوس فيلم-
بن لويد هيوزسكوت شامبرز...
-
رعب
-
أولاف دي فلور جوهانسن
-
في1 Cinema
Mohamed Hamdy
السحر انقلب على الساحر. والمثل ده بيتقال لما حد يكون فاكر نفسه حويط، وبيعمل اللي ماحدش بيعمله. وفي الآخر يطلع مش عارف حاجة.
هو ده اللي حصل بالظبط مع الخ والأخت أنجيلا “فلورنس بوج” وجاكسون “بن لويد هيوز”، اللي بيزيفوا بعض الأحداث المرعبة، علشان يخدعوا الناس وياخدوا فلوسهم. لكن الأمور بتتقلب عليهم، لما بيواجهوا ظاهرة مرعبة حقيقية.
أضعف حلقة في الفيلم كانت السيناريو، اللي كان بادىء بشكل قوي، وبيضعف مع قرب نهاية الأحداث. ونبدأ نشوف أبطال الفيلم بيتصرفوا بغباء في بعض المواقف. الحقيقة أن ده مش غريب على أفلام الرعب بصفة عامة، اللي بتضطر الكتاب أحيانًا، يخلوا الأبطال يتصرفوا بغباء، علشان الحبكة تستمر.
لكن بصفة عامة نقاط ضعف الفيلم مش مؤثرة بشكل كبير على تجربة المشاهدة. خاصة لمحبي أفلام الرعب. وده نتيجة الأداء التمثيلي القوي، والمؤثرات الخاصة. اللي اعتمدت بشكل كبير على الماكياج، أكتر من خدع الجرافيكس.
أكيد Malevolent مش أفضل فيلم رعب شوفناه. لكن لو بتحبوا أفلام الرعب، وعندكم استعداد تتجاوزوا بعض مشاكل السيناريو والقصة، يبقى ننصحكم تشوفوه.