Masha and the Bear
أنميشن Masha and the Bear: عالم الخيال
Masha and the Bear أفلام أوليج كوزوفكوف جديد في السينمات ريفيو سينما سينمات القاهرة فيلم روسي قاعات عرض ماشا والدب نقد أفلام-
ألينا كوزلينكاإلسي فيشر...
-
كارتون
-
أوليج كوزفوكوف
-
في1 Cinema
Mohamed Hamdy
لو عندكم أطفال صغيرين بيحبوا يتفرجوا على أفلام ومسلسلات الأنيميشن أو الكارتون. يبقى أكيد عديتوا على حلقات Masha and the Bear أو (ماشا والدب) والموجود بعض مقاطعها على اليوتيوب. ومن الواضح أن النجاح الكبير اللي حققته الحلقات شجعت القائمين على المسلسل لعرض حلقة خاصة منه بمناسبة الكريسماس أقرب لفيلم.
عرض Masha and the Bear بيحكي عن بنت صغيرة بترتبط بعلاقة صداقة مع دب ودود رغم حجمه الضخم. الصداقة اللي بينتج عنها سلسلة لا تنتهي من المواقف الكوميدية والمثيرة مش بس للضحك، لكن كمان لخيال المشاهدين.
من أجمل الأمور في (ماشا والدب) هي كوكتيل الألوان والتنوع الكرنفالي في طريقة عرض الشخصيات والأشياء على الشاشة. بشكل ملفت جدًا للعين ويخلي أي طفل مهتم بالمتابعة من أول العرض لنهايته. كمان تحريك شخصية ماشا طوال الوقت والحركات البهلوانية اللي بتقوم بيها بيخلي الأنيميشن كوميدي بزياده وممتع جدًا في المشاهدة.
ومن الواضح أن الفكرة الأساسية اللي فكر فيها وألفها أوليج كوزوفكوف صاحب الفكرة ومؤلف العرض حققت نجاح كبير وشجعته على إعادة تقديم الفكرة في أشكال مختلفة وأعمال متنوعة. أما فريق العمل المكون من أنجليكا كايمي وناتالي مالجينا وبوريس كوتنفيش فمن الواضح اهتمامهم وايمانهم بأهمية اللي بيقدموه مش بس للأطفال لكن للكبار كمان.
Masha and the Bear مش بس أنيميشن للأطفال والكبار. لكنه عمل فني روسي قدر يكسر احتكار هوليوود للأعمال الفنية المقدمة للأطفال. على الرغم من الاستوديوهات العالمية المشهورة بيها زي ستوديوهات بيكسار وغيرها. وقدر يحقق شهرة واهتمام عالمي رغم قلة الإمكانيات مقارنة بالشركات العملاقة المتخصصة في إنتاج أعمال مشابهة.