The Definitive Guide to Living in the Capital , Cairo , Egypt

النجاح الكبير اللي حققته سلسلة أفلام Maze Runner شجع المنتجين على صناعة أجزاء أكتر كنوع من الاستغلال المباشر للنجاح ده، وقدرت السلسلة تحقق نجاح كبير في أوساط المراهقين والشباب واللي عجبهم الخلط بين عالم الخيال العلمي والأكشن.  تعالوا نتعرف على المحطة الأخيرة من السلسلة بعنوان Maze Runner: The Death Cure.

القصة

فيلم Maze Runner: The Death Cure بيحكي عن (توماس) واللي بينطلق في مغامرة جديدة علشان يحصل فيها على علاج دائم لمرض قاتل بيهدد الجميع بالفناء، لكن هل هيقدر يجد العلاج الجديد ولا هيفشل في المهمة اللي بتعتبر أصعب مهمة بيواجهها على الأطلاق؟

 فريق العمل

الفيلم من إخراج  ويس بال، وتأليف تي سي نولين، اقتباسًا عن رواية  جيمس داشنير، ومن بطولة  ناتلي إيمانويل وكايا سكوديلاريو وديلن أوبراين وجيانكارلو إسبوسيتو وكاثرين ماكنامارا.

الأداء التمثيلي

الأداء التمثيلي لأبطال الفيلم كان جيد ويستحق الاحترام، والميزة أنه تم اختيار أعمار أبطال الفيلم بحيث تناسب فئة الشباب والمراهقين، وقدر الشباب أبطال الفيلم أنهم يقدموا أداء تمثيلي متناسب مع أحداث الفيلم المفعمة بالحركة والإثارة.

السيناريو والحوار والإخراج

على الرغم من انحياز سيناريو الفيلم للأكشن والإثارة معظم الوقت لكن في بداية أحداث الفيلم شعرنا ببعض الملل، لكن الملل ده بيتبدد بعد  كده مع اتجاه السيناريو للحركة والمشاهد السريعة والتنقل بين الأحداث بسرعة وسلاسة.

يحسب للإخراج أنه قدر يطوع السيناريو بشكل جيد ويستغل القدرات التمثيلية للأبطال ويقدم في النهاية توليفة محترمة من الأكشن والدراما والإثارة.

الديكورات والموسيقى والأزياء

ديكورات الفيلم كانت مختلفة وجديدة، وقدرت تتفاعل مع المؤثرات الخاصة علشان تقدم لنا في النهاية مشاهد مقنعة ومؤثرات مثيرة وجذابة جدًا، كمان أزياء أبطال الفيلم كانت جيدة وقوية ومتجانسة مع الجو العام لألوان الفيلم، كل ده قدم حالة بصرية مريحة لنا كمشاهدين ودفعتنا للتركيز في الأحداث والاهتمام بيها.

الخلاصة

فيلم Maze Runner: The Death Cure يعتبر عمل ممتاز لمحبي ومتابعي السلسلة.

علشان تبقى عارف:

تقييم الفيلم على IMDB وصل لـ 6.8 من 10.