One Piece: Stampede
فيلم One Piece: Stampede: أنميشن مميز من غير إبهار
One Piece: Stampede جوني يونج بوش فيليسيا أنجيل-
تشارلز سي كامبلجوني يونج بوش...
-
كارتون
-
أتسوهيرو توميوكا
-
في1 Cinema
Mohamed Hamdy
الأنيميشن الياباني بيعتبر بدرجة كبيرة أصل فن الأنيميشن في العالم، واليابان عودتنا طول الوقت على طريقتها الخاصة والممتعة في تقديم الفن المهم ده، وOne Piece: Stampede يعتبر تأكيد عملي على تفرد اليابان وتميزها في الفن ده.
فيلم One Piece: Stampede بيحكي عن مجموعة من القراصنة بتجتمع من كل مكان في العالم علشان يدوروا على كنز كبير جدًا، لكن المميز في القصة إن عملية البحث نفسها مش هي المحرك الأساسي للأحداث، لكن التفاصيل الجانبية اللي بنشوفها طول الوقت هي الأكثر متعة.
مجرد ما شوفنا One Piece: Stampede عرفنا إننا قدام فيلم أنيميشن مميز من إنتاج اليابان، لأن الأنيميشن الياباني له أسلوب مخصوص في الرسم بخطوط واضحة وجريئة وفيها اهتمام كبير بالتفاصيل مع استخدام أقل للمؤثرات الخاصة وتقنيات التحريك المعقدة، وهو ده اللي اللي شوفناه في عمل متقن و(أصلي) في نفس الوقت زي فيلمنا اللي بنتكلم عنه النهارده.
الأداء الصوتي من “فيليسيا أنجيل” و”جوني يونج بوش” كان مميز إلى أقصى حد، وبشكل عام المؤثرات الصوتية لعبت دور مهم علشان تدينا متعة أكبر أثناء المشاهدة.
الفيلم فعلًا يتسحق المشاهدة في السينما رغم بساطته، وأكيد هيعجب عشاق أفلام الأنميشن.