The Definitive Guide to Living in the Capital , Cairo , Egypt

أفلام
Only the Brave

فيلم Only the Brave: عن شجاعة رجال الإطفاء

  • جوش برولينجيف بريدجز...
  • دراما
  • جوسيف كوسنسكي
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Only the Brave: عن شجاعة رجال الإطفاء

مش مهم هتقف في مواجهة مين، المهم مين هيكون واقف جنبك أثناء المواجهة دي. هو ده شعار الفيلم وهو ده السؤال اللي طرحناه على نفسنا، لو كنا واقفين في مواجهة كارثة طبيعية عملاقة وحريق ضخم. مين هيكون عنده الشجاعه يقف بجوارنا للتصدي للمشكلة دي؟

 

 

القصة

الفيلم بيحكي عن مجموعة من رجال الإطفاء الشجعان اللي بيقرروا التصدي لحريق قوي بيضرب مدينة يارنيل في ولاية أريزونا الأمريكية. والفيلم بيستعرض القصص الشخصية وراء كل واحد من أبطال الفيلم قبل ما نشوف مع بعض الحريق وكيفية التصدي له وإيه الخسارة اللي هيتعرض لها الفريق علشان يقوم بالمهمة المطلوبة منه.

فريق العمل

الفيلم من إخراج جوزيف كوزينيسكي وسيناريو إريك وارن سنجر وكين نولان أما البطولة فكانت من نصيب جيمس بادج دايل وناتالي هال وتايلور كيتش ومايلز تيلر وجينيفر كونيلي.

الأداء التمثيلي

الأداء التمثيلي لكل أبطال الفيلم كان متميز جدًا ويستحق الإشادة، خاصة أن أبطال الفيلم نجحوا في أنهم ينقلوا لنا الحياة الشخصية لفريق الإطفاء الشجاع، وينقلوا لنا الدوافع والأفكار اللي دارت في عقلهم قبل وأثناء عملية الإطفاء الشجاعة اللي قاموا بيها.

 

 

السيناريو والحوار والإخراج

سيناريو الفيلم اعتمد على السرد النمطي وصاحب الاتجاه الزمني الواحد في السرد، وده كان أفضل لتسهيل فهم المشاهدين للأحداث، كمان الإخراج اعتمد على المدرسة التقليدية في تقديم الأحداث وعدم (الفزلكة) واللي لو كانت حصلت كان ممكن الفيلم يفشل بشكل كبير، لكن ده لا يعني أن الإخراج استعان بكتير من المشاهد الدرامية واللي أكيد هتقرب الفيلم لمشاعر المشاهدين وهتخلي كل واحد يسأل نفسه لو أنا موجود في نفس الموقف هاتصرف إزاي.

الديكورات والموسيقى والأزياء

الموسيقى التصويرية للفيلم كانت قوية جدًا ومحفزة على متابعة المشاهدة، لكن ديكورات المشاهد الداخلية للأحداث كانت ضعيفة على الرغم من أن اختيار أماكن التصوير وزوايا الكاميرا والخدع الفنية كلها كانت عوامل قوة للفيلم ترفعه لأعلى المراتب، والحقيقة إنه على الرغم من قلة مشاهد الخدع لكنها كانت مميزة وقوية وكان واضح المجهود المبذول فيها لدرجة كبيرة.

 

الخلاصة

فيلم Only The Brave من الأفلام القوية المستمدة من أحداث حقيقية وتستحق المشاهدة والمتابعة من محبي النوع ده من الأفلام.

علشان تبقى عارف:

الفيلم مقتبس عن مقال طويل بيحكي بطولة رجال الأطفال بعنوان No Exit.

عجبك ؟ جرب

The white helmets

نصيحة 360

تقييم الفيلم على موقع IMDB 8.1 من 10 وهو تقييم مرتفع جدًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح