Overlord
فيلم Overlord: البطل هو المؤثرات الخاصة
Overlord أفلام المخرج جوليوس أفيري جديد في السينما جوفان أديبو ريفيو سينما سينمات القاهرة نقد أفلام وايت راسلفي بداية مشاهدتنا لفيلم Overlord كنا متصورين أننا أمام فيلم عن أهوال الحرب. والرعب التقليدي اللي ممكن يواجه مجموعة من الجنود المحترفين في فترة الحرب. ثم أكتشفنا أن السيناريو مخبي لنا أكتر من كده وبيقدم قصة رعب غير عادية.
فيلم Overlord بيحكي عن مجموعة من الجنود اللي بتتوجه لواحدة من القرى المهجورة في زمن الحرب العالمية الثانية. ثم بيكتشفوا وجود مجموعة من الكائنات الغريبة وغير العادية واللي بتتخطي حدود الخيال. وفق تجربة سرية قامت بيها قوات النازي في المنطقة. أدت لخلق كائنات غريبة ومرعبة الى أقصى حد.
مخرج الفيلم جوليوس أفيري ماعندوش تجارب سينمائية طويلة كتير. أخرج قبل كده فيلم Son of a Gun في 2014 بالإضافة لمجموعة من الأفلام القصيرة. لكن في النهايه النمط الإخراجي اللي مارسه كان جيد. وقدر يقدم فيلم مثير وفيه مشاهد قوية ومتعوب عليها.
وتم الاستعانة بالمؤلف بيلي راي علشان يكتب قصة وسيناريو الفيلم. وهو صاحب قصص أفلام قوية زي Captain Phillips و The Hunger Games و أعمال تانية قوية ومؤثرة.
أما في البطولة بنشوف جوفان أديبو في دور بويس ووايت راسل في دور فورد وماتيلد وليفييه في دور كلوي. والحقيقة أن أبطال الفيلم قدموا أداء تمثيلي قوي وقدرة جيدة على التأقلم مع المشاهد الخطرة وتنفيذها واللي كان على مستوى عالي ومميز.
من الأمور المميزة في الفيلم المؤثرات الخاصة وكيفية تطبيقها على الشخصيات اللي ظهرت في دور الكائنات المرعبة. لكن من ناحية تانية كتير من مشاهد الفيلم ممكن تكون غير مناسبة للمشاهدين من فئات عمرية أصغر. علشان ممكن تصيبهم بالرعب.
Overlord فيلم رعب له طبيعة خاصة. مش هيناسب محبي أفلام الرعب اللي بتتناول الأشباح والأرواح، لكن هيعجب محبي أفلام الرعب اللي بتتكلم عن الزومبي والكائنات الوحشية الغريبة.
علشان تبقى عارف: اكتمل التصوير الرئيسي للفيلم في 29 يناير 2018.