The Definitive Guide to Living in the Capital , Cairo , Egypt

من الواضح أن سلسلة أفلام pacific rim قادرة تحافظ على مستواها وعلى إعجاب عدد كبير من المشاهدين حول العالم، تعالوا نتعرف أكتر على أحدث أجزاء السلسلة Pacific Rim: Uprising

القصة

الفيلم بيحكي عن “جيك بينتيكوست” اللي بيسيب الخير وينضم لعالم الجريمة. بعد تضحية والده لإنقاذ العالم في الجزء السابق. لكن مع ظهور تهديد جديد بالسيطرة على العالم وإزالة مدن كاملة من الخريطة، بيرجع من تاني لصف الخير علشان ينقذ الكوكب من الهلاك المحتوم.

 فريق العمل

الفيلم إخراج ستيفن إس دينايت، وتأليف إميلي كارمايكل. بطولة جون بويجا، سكوت إيستوود، رينكو كيكوتشي، وتيان جينج.

الأداء التمثيلي

الأداء التمثيلي لأبطال الفيلم كان جيد. وقدروا يقنعونا بعدد كبير من الخدع السينمائية اللي كانت موجودة في الأحداث. واللي ماكنش ممكن نتقتنع بها، لولا ردود الأفعال المنطقية والقوية المميزة من فريق عمل الفيلم.

السيناريو والحوار والأخراج

سيناريو الفيلم بيتميز بالسرعة والانطلاق في الأحداث، وعدم قدرتنا على توقع كتير من الأحداث. على الرغم من توقعنا للشكل العام للقصة. ودي كانت نقطة تحدي كبيرة نجح القائمين على الفيلم فيها. أما حوار الفيلم فحسينا إنه متكلف شوية، لكن كان ممكن نتغاضى عن النقطة دي خاصة مع قوة باقي عناصر الفيلم.

الديكورات والموسيقى والأزياء

ديكورات الفيلم والموسيقى التصويرية الخاصة به كانت مميزة جدًا. كمان فريق الخدع الفنية والمؤثرات الخاصة قدموا شغل مميز جدًا. ونقدر نقول إنه لولاهم كان الفيلم هيكون مجرد فيلم مغامرات ضعيف وغير قادر على المنافسة.

الخلاصة

Pacific Rim: Uprising مش أفضل فيلم مغامرات نشوفه في السينما، لكنه هيعجب محبي النوع ده من الأفلام جدًا.

علشان تبقى عارف:

تم تصوير الفيلم في الفترة ما بين 10 نوفمبر 2016 وحتى 31 مارس 2017.