The Definitive Guide to Living in the Capital , Cairo , Egypt

لما بنفقد شخص عزيز علينا، بنتمنى يرجع للحياة تاني. لكن الحقيقة إن العودة من الموت مش دايمًا بترجع الشخص زي ما كان.

الفيلم بيحكي عن طبيب بينتقل مع أسرته لمنزل ريفي، جنب مقبرة غامضة. وبيكتشف مع الوقت أن المقبرة لها قدرة سحرية، على إعادة الجثث للحياة. لكن لما بيجرب الدكتور يدفن قطة فيها. بترجع من جديد للحياة لكن بشكل مرعب جدًا.

الفيلم مأخوذ عن رواية المؤلف “ستيفن كينج”. وهو واحد من أشهر المؤلفين اللي كتبوا قصص رعب. ومجرد وجود أسمه على عمل، كفيل بضمان مستوى معين من الإثارة والفزع. وده لأنه بيعتمد على الرعب النفسي. بيخلي المُشاهد يحس بإن فيه حاجة مريبة بتحصل. بدون مَشاهد الخضة والمفاجأة. اللي بنشوفها في أفلام رعب كتيرة.

لكن الكتابة الجيدة مكانتش هاتفرق لو كان الأداء التمثيلي ضعيف. وفي الحالة دي شوفنا أداء تمثيلي جيد من كل أبطال الفيلم تقريبًا. لكن بناخد على الفيلم عدم الاهتمام بتقديم خلفيات نفسية للأبطال، علشان نكون أكثر تعاطفًا وانجذابًا للمواقف اللي بتحصل لهم.

بنرشح Pet Sematary لمحبي أفلام الرعب بشكل عام، وعشاق ستيفن كينج بشكل خاص.