The Definitive Guide to Living in the Capital , Cairo , Egypt

فيلم Red Sparrow بيحكي عن تفاصيل عالم الجاسوسية بين روسيا والولايات المتحدة الأمريكية. ومحاولة عميلة للمخابرات الروسية أنها توقع ظابط مهم في المخابرات الأمريكية في حبالها. الأمر اللي بيدفع الجميع لدوامة من عمليات التحايل والتلاعب بالمعلومات والأرواح في نفس الوقت.

فريق العمل

الفيلم تأليف جاستين هايثي، وإخراج فرانسيس لورانس. وبطولة جنيفر لورانس، ماري لويس باركر، جويل إجيرتون، وماتياس شوينارتس

الأداء التمثيلي

جينفر لورانس بتقدر تثبت مع الوقت أنها مش مجرد وجه جميل، لكنها ممثلة من الطراز الأول. قادرة على أنها تؤدي أي نوع من أنواع الشخصيات يوكل لها. ودي ميزة مش موجودة في كثير من الممثلين. وفي الحقيقة إن الشخصيات التانية في الفيلم هي كمان قدرت تقوم بدورها على أفضل ما يمكن، وتقدم لنا في النهاية  تجربة مشاهدة جميلة ومميزة.

السيناريو والحوار والإخراج

سيناريو الفيلم كان قوي ومميز ومترابط، وقدر يجذبنا من أول مشهد ولحد النهاية بدون ما نفقد حماسنا كمشاهدين لاستكمال متابعة الفيلم، على الرغم من صعوبة القصة وتعقيد الحبكة عند كتير من المواقف واللي كان ممكن بعض المشاهدين مايفهموهاش بسهولة.

الديكورات والموسيقى والأزياء

ديكورات الفيلم نجحت في أنها تنقلنا زمنيا وفكريا لزمن أحداث الفيلم، وكمان الموسيقى التصويرية كانت حماسية وجميلة جدًا وشجعتنا على مشاهدة أحداث الفيلم للنهاية.

الخلاصة

فيلم Red Sparrow فيلم جاسوسية مميز هيعجب كل محبي النوعية دي من الأفلام.

علشان تبقى عارف:

تقييم الفيلم على موقع IMDB وصل لـ 6.7 من 10.