The Definitive Guide to Living in the Capital , Cairo , Egypt

تيمة الفيلم اللي بيحكي عن فريق مكون من مجموعة من رجال القوات الخاصة اللي بيذهبوا مع بعض في مهمة انتحارية أصبحت فكرة مكررة وشوفناها في أكتر من فيلم، لكن هل كانت التيمة مميزة في فيلم النهارده؟ تعالوا نتعرف أكتر على Renegades.

القصة

الفيلم بيحكي عن مجموعة من أمهر رجال القوات الخاصة وأكثرهم جرأة، واللي بتقودهم أحداث الفيلم لاكتشاف كنز كبير من الذهب موجود في قاع بحيرة في البوسنة. ياترى باقي أحداث الفيلم هتاخدنا على فين؟ ده السؤال اللي مش عاوزين نجاوبكم عليه علشان تتابعوا الأحداث بنفسكم.

فريق العمل

الفيلم من تأليف ريتشارد وينك ولوك بيسون وإخراج ستيفن كولي وبطولة سوليفان ستابليتون وجي كيه سيمونز وإيوان بريمنر وديارماد مورتاج وكليمنز شيك.

الأداء التمثيلي

الأداء التمثيلي لكل أبطال الفيلم كان جيد ونخص جيه كيه سيمونز واللي عرف يقوم بدوره بشكل جيد. لكن الحقيقة أن النوعية دي من الأفلام مش بتحتاج مواهب تمثيلية قوية بقدر ما تحتاج لياقة بدنية عالية ورغبة في تقديم مشاهد حركه متميزة وهو ده اللي حصل فعلًا.

السيناريو والحوار والإخراج

المميز في سيناريو الفيلم أنه بيقدم متعة المشاهدة من المشهد الأول للمشهد الأخير بدون مايترك فرصة للمشاهدين أنهم يشعروا بالملل، لكن الإخراج ماقدمش أي جديد على مستوى الصورة أو زوايا التصوير وحركة الكاميرا، لكن الخدع السينمائية تفوقت على نفسها خصوصًا في مشاهد الدبابات اللي خرجت بشكل رائع ومميز.

الديكورات والموسيقى والأزياء

في النوعية دي من الأفلام مش بيتم الاهتمام بالموسيقى أو الديكورات بشكل كبير. لكن الاهتمام الأكبر بيكون بالأكشن والحركة وإخراج مشاهد المطاردات. ولو قيسنا الموسيقى والديكور على العامل ده هيكون مستواهم جيد.

الخلاصة

فيلم Renegades تجربة أكشن جيدة بننصح بمتابعتها لكل محبي الحركة والمطاردات مع لمسة كوميدية.

علشان تبقى عارف:

تقييم الفيلم على IMDB 5.6 من 10.