The Definitive Guide to Living in the Capital , Cairo , Egypt

مع طرح التريلر كان عندنا ترقب كبير للفيلم. الإعلان كان مميز، وفيه مشاهد بتوعد بفيلم على أعلى مستوى.. بس مش كل اللي بنتمناه بنلقاه.

فيلم Serenity  بيحكي عن صاحب قارب صيد، بيعمل بيه رحلات سياحية. حياته بتتقلب وبتتحول لجحيم، لما زوجته السابقة تظهر من جديد، وتطلب مساعدته في مشكلة كبيرة.

أول الصدمات كانت قصة الفيلم. قصة عادية ومافيهاش أي Plot twist، أو مفاجأت غير متوقعة.

ثاني حاجة كانت التريلر، اللي احتوى على كل المشاهد القوية تقريبًا. وماشوفناش أي مشاهد أفضل في الفيلم نفسه. ده كان كفيل إنه يحبطنا من العمل اللي كنا مستيينه.

يمكن ضعف القصة والحبكة، عوضه الأداء التمثيلي الرائع من أبطال الفيلم. كانت عجبانا جدًا الكيمياء بين “ماثيو ماكونهي” و”آن هاثاواي”. ونتمنى نشوف تعاون أكتر بينهم في المستقبل.

اختيار كادرات التصوير وزوايا الكاميرا، كان من الأمور المميزة جدًا في الفيلم. لكن طول الوقت كنا حاسين، أننا قدام الممثلين الصح في الفيلم الغلط.

بنرشح Serenity للمشاهدين اللي ماعندهمش توقعات مسبقة للفيلم. وعاوزين يستمتعوا بمستوى جيد من الأداء التمثيلي والتصوير وتصميم المشاهد.