-
جون بويجادايزي ريدلي...
-
حركة ومغامرات
-
ريان جونسون
-
في1 Cinema
Mohamed Hamdy
محبي سلسلة أفلام Star Wars على موعد مع مغامرة جديدة مليانة أحداث شيقة.
القصة
الفيلم بيحكي عن أبطال الجزء الأول من حرب النجوم بعد أحيائها، وإزاي بيدخلوا في مغامرة جديدة ضد قوى الظلام اللي بتهدد الكون، والطريق الطويل المطلوب منهم قطعه – بكل ما فيه من مغامرات – علشان يكتشفوا حقائق جديدة عليهم، وعلى المشاهدين كمان في نفس الوقت.
فريق العمل
الفيلم من إخراج ريان جونسون وهو أيضًا اللي كتب السيناريو اعتمادًا على الشخصيات اللي قدمها جورج لوكاس، أما البطولة فكانت من نصيب مارك هاميل وكاري فيشر وديزي ريدلي وجون بويجا وآدم درايفر وأوسكار إيزاك.
الأداء التمثيلي
من الجميل في الأداء التمثيلي لأبطال الفيلم أنهم مش بيقلدوا أداء أبطال الأجزاء السابقة، وبيقدموا شكل فني خاص بهم بشكل مميز وقوي في نفس الوقت، ودي من الأمور المميزة اللي لاحظناها فيما يتعلق بالأداء التمثيلي.
السيناريو والحوار والإخراج
سيناريو الفيلم بيتميز بالمباشرة والقدرة على توصيل الأحداث والتفاصيل للمشاهد بشكل واضح وجميل في نفس الوقت، لكن بنعيب على السيناريو بعض (الترهل) في الجزء الأول من الأحداث لكن بيتم التركيز على جانب الأكشن في النصف الثاني من الأحداث بشكل أكبر.
والحقيقة أن إخراج الفيلم قدر يقدم كتير من الأدوات خاصة في حركة الكاميرا والخدع السينمائية وغيرها من تكنيكات الإخراج اللي تم استغلالها بشكل جيد ومميز.
الديكورات والموسيقى والأزياء
ديكورات الفيلم كانت في منتهى القوة، كمان الموسيقى التصويرية القديمة واللي تم مزجها مع أساليب موسيقية جديدة، كانت من أفضل الأمور اللي لاحظناها في الفيلم.
الخلاصة
فيلم Star Wars: The Last Jedi يعتبر جزء جديد ومهم في سلسلة أفلام قدرت تستقطب محبي السلسلة القديمة وتكتسب محبين جدد في نفس الوقت.
علشان تبقى عارف:
كان خواكين فينيكس مترشح لأداء الشخصية الشريرة في هذا الجزء، لكن الدور راح لـ بينيسيو ديل تورو.