The Definitive Guide to Living in the Capital , Cairo , Egypt

للناس اللي زهقت من القصص المكررة في أفلام الأنيميشن اللي بتنتجها هوليوود، ممكن تدخلوا تجربة مختلفة مع الأنيميشن الألماني “Tabaluga”.

فيلم Tabaluga بيحكي عن أميرة الجليد اللي بتدخل معركة ضد الشر بمساعدة تنين خفيف الدم لطيف الشكل.

طبعًا من المستحيل إننا نتوقع من Tabaluga نفس مستوى الإبهار اللي بنشوفه في أفلام ضخمة الميزانية زي أفلام شركة “بيكسار” أو “ديزني” مثلًا، ودي الحاجة اللي كان عارفها المخرج “سفين أنتروالدت جونيور” واللي خلته يصمم يتميز سواء في القصة أو الفكرة بدل ما يدخل منافسة غير متكافئة في التصميمات والجرافيكس.

الجميل في الفيلم كمان، إنه فيه هدف ورسالة عن إزاي الإنسان ممكن يغلب خوفه وكسله ويواجه أي تحدي في حياته بقلب مؤمن بالنصر، الرسالة دي بنشوفها بطريقة خفية وسهلة الوصول للأطفال والكبار في نفس الوقت، وبدون توجيه مواعظ مباشرة، ودي من أكبر مميزات Tabaluga في رأينا.

للأسف مانعرفش كتير عن أبطال الفيلم أصحاب الأداء الصوتي، لكن عجبنا جدًا “كاميرون أناسيل” و”كريستين فيرلاي” في أصوات “تابالوجا” و”ليلي” وكان أداؤهم معبر وكوميدي ومتوظف بشكل جيد مع الشخصيات اللي بنشوفها على الشاشة.