The Definitive Guide to Living in the Capital , Cairo , Egypt

أفلام
Tag

فيلم Tag: كوميديا مناسبة للصيف

أفلام سينما سينمات القاهرة كوميديا نقد فيلم
  • إد هيلمزجيرمي رينر...
  • كوميدي
  • جيف تومسيك
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Tag: كوميديا مناسبة للصيف

على الرغم من تكرار تيمة الأفلام الكوميدية المعتمدة على مجموعة الأصدقاء المجانين واللي ممكن يعملوا أي حاجه غريبة أو مجنونة في أي وقت مهما كان سنهم كبير أو حياتهم ملخبطه.. أفلام زي Last Vegas و wild hogs وغيرها من الأفلام اللي مش بنزهق منها مهما تكررت تيمتها أو شعرنا أننا شوفناها قبل كده.

 

فيلم Tag بيحكي عن مجموعة من الأصدقاء بيلعبوا لعبة طويلة المدى مع بعض.. اللعبة مجنونة وبتتطلب منهم السفر في أماكن مختلفة وكتيرة، وخلال ممارسة اللعبة بتتفجر مجموعة لا تنتهي من المواقف الكوميدية والغريبة واللي خلتنا نشعر فعلًا بالانطلاق والحيوية بالإضافة للكوميديا.

مخرج الفيلم جيف تومسيك كان مخلص في إخراجه لتقديم حالة من الكوميديا الخالصة في الفيلم. وده انعكس على توجيهه لأبطال الفيلم جيريمي رينر وجون هام وايد هلمس وأنابيل واليس وغيرهم. وكان واضح أنهم مش بس بيقدموا شخصيات غريبة عنهم، لكن الكوميديا كانت نابعة من روح كل واحد من فريق العمل وده اللي أعطى الفيلم خصوصية وزيادة في نسبة الكوميديا.

 

الموسيقى التصويرية الخاصة بالفيلم كانت جميلة وحماسية. وعلى الرغم من إن الموسيقى مالهاش دخل مباشر بالكوميديا في الفيلم لكن في نفس الوقت بتلعب دور مهم علشان نحس بالجو العام الخاص بالأحداث وندخل أكتر في سياق القصة. كمان الديكورات كانت متميزة، وانسجمت مع المونتاج اللي اعتمد على تقديم مواقف سريعة ومشاهد أسرع لكن كلها لا تخلو من الكوميديا والحماسة.

فيلم Tag مش أحسن فيلم كوميدي في السينمات. لكنه فيلم جيد ويستحق المشاهدة خاصة لو كنتم من محبي الأفلام الكوميدية المعتمدة على فكرة تجمعات الأصدقاء والمواقف المجنونة اللي بتحصل بالتزامن معاها.

علشان تبقى عارف: النجمان (ويل فيريل) و(جاك بلاك) كانوا مُرشحيّن لأداء أدوار بالفيلم.

عجبك ؟ جرب

فيلم Wild Hogs

نصيحة 360

تقييم الفيلم على موقع IMDB وصل لـ 6.9 من 10.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح