The Definitive Guide to Living in the Capital , Cairo , Egypt

  • أماندلا ستينبرجبرادلي ويتفورد...
  • خيال علمي
  • جينيفر يو نيلسون
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Darkest Minds : مراهقين بقدرات خارقة

الأفلام الموجهة للمراهقين بتحقق نجاح كبير في دور العرض السينمائية، علشان غالبية جمهور السينما في الواقع بيكون من الفئة العمرية دي، واللي بطبيعة الحال بيحبوا يتفرجوا على الأفلام اللي بتعبر عنهم.

 

 

فيلم The Darkest Minds للمؤلف تشاد هودج واللي اقتبس قصة الفيلم عن رواية بقلم الكسندرا براكن واللي بتحكي عن فيروس بيجتاح الكوكب وبيتسبب في موت حوالي 90% من المراهقين، وفي المقابل بيعطي قدرات خارقة لباقي المراهقين الأحياء. وبتقوم الحكومة بجمع أصحاب القوى الخارقة في معسكرات خاصة وبتصنفهم حسب القدرات الخارقة اللي بيتمتعوا بيها.

روبي أو آماندلا ستينبرج بطلة الفيلم بتقوم بدور بنت مراهقة بتتمتع بموهبة القدرة على التلاعب بالعقول، الموهبة اللي بتمكنها من الهروب من المعسكر شديد الحراسة والانضمام لمجموعة من الشباب أصحاب القدرات الخاصة بقيادة شخصية غامضة لعب دورها باتريك جيبسون.

كل الأداء التمثيلي الخاص بالأبطال كان متميز، لكن آماندلا ستينبرج قدرت تقدم أداء (سارق للكاميرا) واستثنائي. وده مش بييجي من فراغ لأن أماندا لها تجربة سابقة في فيلم مشابه هو The hunger games  لما قامت بشخصية (رو). من هنا نقدر نقول إن (أماندلا) طورت أدواتها التمثيلية وقدرت تكون أكتر تأقلمًا مع بيئة تصوير مليانة مؤثرات خاصة وخدع بصرية.

وبما أننا بنتكلم عن المؤثرات الخاصة لازم نقول أن مستوى الأبهار البصري في الفيلم كان قوي ومميز، وقدرت المخرجة جنيفر يوه أنها تقدم موازنة بين الأكشن والرومانسية والخدع السينمائية في المشاهد اللي بتقدمها.

جينفر قدرت تعمل ده بسهولة لأن لها باع طويل مع أفلام الخيال، لأنها قدمت قبل كده الجزء الثاني والثالث من سلسلة افلام Kung Fu Panda  وعلى الرغم من مسيرتها الإخراجية القصيرة لكن ليها باع طويل في عالم الأنيميشن واستخدام التقنية والمؤثرات.

 

The Darkest Minds فيلم جيد، بيحاول يلفت نظر المراهقين والشباب لرسالة مهمة وهي أن القوة الحقيقية هي قوة العقل والمواهب الخاصة، قبل ما تكون قوة الذراع والقدرة على إيذاء الأخرين.

علشان تبقى عارف: تصنيف الفيلم الأمريكي هو PG-13 بسبب بعض المشاهد العنيفة والدموية.

عجبك ؟ جرب

سلسلة أفلام Divergen

نصيحة 360

تقييم الفيلم على موقع IMDB 5.5 من 10

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح