The Definitive Guide to Living in the Capital , Cairo , Egypt

في سنة 2011 تم تقديم فيلم The Girl with the Dragon Tattoo من بطولة واحد من أشهر وأحدث الممثلين اللي قدموا شخصية جيمس بوند على الشاشة وهو (دانيل كريج). الفيلم حقق نجاح كبير وتقييم عالي على موقع IMDb وصل لـ 7.8 من 10. وبالفعل قدم الفيلم حالة من الغموض والمغامرة الممزوجة بإسلوب إخراجي متميز، أدى في النهاية لنجاح الفيلم نجاح كبير.

والنهاردة في 2018 بنشوف ما يمكن تسميته امتداد جديد لنفس السلسلة. من خلال قصة ليزبث سالاندر خبيرة الكمبيوتر واللي لعبت دورها “كلير فوي” واللي بتجد نفسها محاطة بشبكة معقدة من الجواسيس والمؤامرات الخفية. لكن السؤال اللي بيطرح نفسه. هل هتقدر “سالاندر” تنجو من المؤامرات دي؟

الفيلموجرافيا الخاصة بمخرج الفيلم فيدى الفاريز مافيهاش أفلام مهمة كتيرة. لكن فيلم زي Don’t Breathe يعتبر واحد من أكتر الأفلام المؤثرة اللي قدمها. ومن الواضح أن “الفاريز” بيلعب على فكرة الكيف وليس الكم.

في البطولة بنشوف كلير فوي في دور ليزبث سالاندر. وهي الممثلة الثالثة التي بتلعب دور ليزبث سالاندر بعد النجمتيْن “نومي راباس” و”روني مارا”. وقدرت كلير تخطف الدور من النجمتين ناتالي بورتمان وسكارليت جوهانسون ودي أسماء قوية جدًا. علشان كده فوي كان لازم تكون متميزة في الدور جدًا وده اللي لاحظناه بالفعل. بداية من الانفعالات الدرامية ونهاية بالأداء الحركي واللي قدرت تقدمه بشكل متميز جدًا.

ومن هنا لازم نتكلم عن تصميم المشاهد وطريقة تقديمها على الشاشة. والحقيقة أن الإخراج قدر يقدم مشاهد قوية ومصممة بشكل جيد جدًا. واختيار زوايا التصوير والإضاءة في كتير من المشاهد كانت متميزة جدًا.

فيلم The Girl in the Spider’s Web من أحسن الأفلام اللي شوفناها مؤخرًا. وكل عناصره متكاملة من حيث القصة والسيناريو والإخراج وغيره.

وبننصح بمشاهدة فيلم The Girl with the Dragon Tattoo قبل مشاهدة الفيلم ده لمزيد من الاستمتاع.

علشان تبقى عارف: تقييم الفيلم على موقع IMDb هو 6 من 10.