-
توبي كيبيلرايان كوانتن...
-
حركة ومغامرات
-
روب كوهين
-
في1 Cinema
Mohamed Hamdy
كنا متوقعين حاجات كتير إيجابية من فيلم The Hurricane Heist بسبب حبنا الشديد للأفلام اللي بتعتمد على فكرة السرقة والتخطيط. لكن هل لاقينا اللي توقعناه؟ تعالوا نتعرف أكتر على الفيلم علشان نعرف إجابة السؤال ده.
فيلم The Hurricane Heist بيحكي عن التخطيط لعملية سرقة ضخمة، لكن المرة دي السرقة مش بيقف ضدها الشرطة الأمريكية فقط، لكن كمان إعصار من الفئة الخامسة بيحول العملية لحالة من الخوف ومحاولة النجاة بأي شكل.
فريق العمل
الفيلم من إخراج روب كوهين، ومن تأليف جيف ديكسون، أما البطولة فمن نصيب توبي كيبيل وماجي جراس وريان كوناتن ورالف إنيسون.
الأداء التمثيلي
الأداء التمثيلي لأبطال الفيلم كان قوي، وكان من الواضح رغبة كل ممثل من أبطال الفيلم في تقديم نفسه بشكل مميز ومنافسة باقي فريق العمل. والمنافسة في الحالة دي بتكون شريفة لانها بتنتهي بظهور فيلم قوي للنور من وجهة نظرنا.
السيناريو والحوار والإخراج
قصة الفيلم مكررة ومابتقدمش أي جديد، لكن تنفيذ السيناريو لها كان قوي ومحكم، والإخراج كمان لعب دور مهم علشان يدير كافة عوامل الفيلم ويخلق من خلالها حالة من التجديد، وده اللي عجبنا في الفيلم بشكل عام.
الديكورات والموسيقى والأزياء
ديكورات الفيلم والموسيقى التصويرية لعبت دور مهم علشان نشعر بكل تفاصيل الأحداث، ودي كمان كانت من أهم عوامل نجاح الفيلم من وجهة نظرنا، لكن في النهاية نعتقد أن الفيلم كان في حاجة لميزانية أكبر علشان يظهر بشكل أفضل في صورته النهائية.
الخلاصة
The Hurricane Heist فيلم جيد رغم أن قصته مكررة لكن التنفيذ كان فيه مجهود كبير، وبنتوقع أن الفيلم ده كان ممكن ينجح بشكل أكبر لو توافرت له الظروف الإنتاجية المناسبة.
علشان تبقى عارف:
تقييم الفيلم على موقع IMDB وصل لـ 4.9 من 10.