-
دينيس كويدمايكل إيالي...
-
إثارةحركة ومغامرات...
-
ديون تايلور
-
في1 Cinema
Mohamed Hamdy
مع مشاهدتنا المستمرة لأفلام الرعب والتشويق، وقرائتنا روايات في نفس المجال، بقى عندنا قاعدة ثابتة.. لازم نخاف من الأشخاص الودودة زيادة عن اللازم. لأن ودهم مش بيستمر وبيتقلب لمشاكل مخيفة.
فيلم The Intruder بيحكي عن زوجين بيشتروا منزل من صاحبه القديم. ومع الوقت بيكتشفوا إن الود اللي بيعاملهم بيه المالك القديم مش من فراغ. ووراه هدف مش برئ زي ما كانوا متصورين.
الأداء التمثيلي لأبطال الفيلم كان جيد جدًا. وكان واضح أن مخرج الفيلم “ديون تايلور” عارف إزاي يحرك أبطال فيلمه في التوقيت والمكان الصح.
لكن من ناحية تانية حسينا إن الفيلم مكرر وقصته مش أصلية أبدًا. بل أننا شوفنا نفس الفكرة في أفلام وأعمال درامية تانية كتير. حتى أن بعض المشاهد كانت شبه مقتبسة من أفلام تانية، زي فيلم The Shining (1980). اللي بيعتبر من أيقونات أفلام الرعب.
لو ناويين تتفرجوا على الفيلم ننصحكم بعدم مشاهدة التريلر، لأنه تقريبًا بيكشف كل تفاصيل الفيلم. ومش بيحتفظ بأي مفاجآت للمشاهدة.