The Definitive Guide to Living in the Capital , Cairo , Egypt

بيعجبنا في أفلام الأنيميشن أنها مش بس بتركز على تقديم قصة جيدة، لكن كمان بتقدم مع القصة المثيرة عبرة أو رسالة أو هدف معين من وراء الفيلم، وده اللي بيخلي كتير من أفلام الأنيميشن مناسبة للكبار والصغار على حد سواء.

تعالوا نتعرف أكتر عن قرب على فيلم The Little Vampire وإيه بالظبط اللي بيقدمه لنا.

القصة

فيلم The Little Vampire بيحكي عن علاقة صداقة بتقوم بين شاب من بني البشر، وشاب في نفس سنه تقريبًا من مصاصي الدماء، لكن الغريب أن مصاص الدماء في الفيلم بيظهر بشكل غير مرعب، بل على العكس بنشوفه بيحاول يهرب من صياد مصاص الدماء المشهور بعدم رحمته ودمويته الشديدة. وبنشوف مع أحداث الفيلم إجابة على سؤال: إيه هيكون مصير الصداقة دي؟

فريق العمل

الفيلم من تأليف لاري ويلسون وريتشارد كلوز وإخراج ريتشارد كلوز وبطولة الأداء الصوتي لـ مايكل سوريتش وأمير رحيم وبوب داوسون وجو ديور وتوان نجاين.

الأداء الصوتي

الأداء الصوتي والتمثيلي في الفيلم كان جيد جدًا، وكأننا شايفين كل واحد من أبطال الفيلم بشكله الحقيقي من خلال صوته، والحقيقة أن إخراج الفيلم نجح في توظيف الأداء الصوتي الجيد لخدمة سيناريو الفيلم وشعورنا بكل التفاصيل والأحداث الخاصة بالفيلم.

السيناريو والحوار والإخراج

سيناريو الفيلم اعتمد على المفارقة في الصداقة بين الإنسان ومصاص الدماء، وقدر يستغل القاعدة دي علشان ينطلق منها ويعرفنا على رسالة الفيلم القائمة على حب وتقبل الأخر على الرغم من الأختلافات بين الناس.

الرسومات والتحريك والموسيقى

رسومات الفيلم كانت جيدة، وأعتمد التلوين في الفيلم على اللون الأزرق والألوان الهادية بشكل عام، وده كان بسبب موضوع الفيلم اللي بيناقش عالم مصاصي الدماء واللي بينشط أكتر في وقت الليل.

موسيقى الفيلم وتحريك الشخصيات على الشاشة كانوا في منتهى الجمال وكانت من الأمور اللي تحسب لصناع الفيلم بصراحة.

الخلاصة

فيلم The Little Vampire فيلم مناسب للكبار والصغار على حد سواء وبيحمل مجموعة من الأحداث الجميلة والرسائل المهمة في نفس الوقت.

علشان تبقى عارف:

قام كلُ من (جيم كارتر، وأليس كروج) بتأدية نفس أدوارهم لشخصيتي (روكري، وفريدة) اللي أدوها في نسخة الفيلم اللي تم إنتاجها عام 2000.